Lezi Hi Nga Zi Wulako Hi Marevista

A Sentinela ga 1 ka Setembro

“Ka zikhati zo kari a vanhu va maha zilo za kubiha na va alakanya lezaku vo hisekela wukhongeli. U alakanya lezaku xini xi va mahako va khohliswa hi ndlela leyo? [Rinzela hlamulo.] Wona lezi a Biblia gi hi kucako. [Gonza 1 Johani 4:1.] A nzima leyi yi tlhamusela a lisima la ku hlola lezi hi zi kholwako na hi tirisa lezi a Biblia gi zi wulako.” Mu kombe a nzima leyi yi sangulako ka phajina 10.

Despertai! ga Setembro

Gonza Mateu 5:39 zonake uku: “Hi mawonela ya wena, xana u alakanya lezaku Jesu i wa wula ku ngalo hi fanele ku xaniseka hi nga wuli nchumu a xikhati lexi a vanwani va hi onhelako? [Rinzela hlamulo.] A nzima leyi yi komba lezi a Biblia gi zi wulako xungetano hi kutivikela zinwe ni ku hlota ku vikelwa hi tihubye ta ku boha milayo.” Mu kombe a nzima leyi yi sangulako ka phajina 10.

A Sentinela ga 1 ka Outubro

“A vanhu va wukhongeli gontlhe go hambanahambana misaveni yontlhe va khongela. Xana u alakanya lezaku Nungungulu wazwa ni ku hlamula a mikhongelo hakunene? [Rinzela hlamulo.] A Biblia gi hi kuca lezaku hi khongela. [Gonza Va Le Filipi 4:6, 7.] A revista legi gi nyika a mihlamulo yi seketelwako ka Biblia ya ntlhanu wa ziwutiso ni zimbiri zi talako ku mahiwa xungetano hi mukhongelo.”

Despertai! ga Outubro

“A kutala ka zikhati hizwa lezaku a vanhu va tokometwa hi vanghana vabye va wukati, vanhu va tirisanako ni za politika, ni vanwani. Xana u zi wonisa ku khwatsi za karata nguvu a ku kuma vanhu vo tsumbeka? [Rinzela hlamulo.] A votala va alakanya lezaku a mutsalo lowu wa tatiseka. [Gonza 2 Timote 3:1-5.] A revista legi gi tlhamusela lomu a vanhu vo tsumbeka va nga ha simamako ku kumiwa kona.”