Kwadru Ga Ziwutiso

◼ Zini u faneleko ku maha loku va ku byela lezaku u nyima a ku xumayela?

A zinwani zikhati, a maphoyisa ma tshinelele a vahuweleli lava va nga kari va xumayela, maku ngalo va wa tshova a nayo, zonake ma va byela lezaku va nyima. Loku u byeliwa a ku maha lezo, u fanele ku tekela ku suka hi xichawo. (Mat. 5:41; Fil. 4:5) U nga zami ku lulamisa a xikarato lexo ha wece hi ku phikizana navo xungetano hi tifanelo ta hina hi kuya hi nayo. Loku zi koteka, cuwuka khwatsi a nombora ya karaxa ga phoyisa lego ni nombora ya laha gi tirelako kona. Anzhako ka lezo, tekela ku tivisa a madota, lawa ma to tivisa a hofisa ya ravi a mhaka leyo. Hi kufanana, loku u byeliwa hi muwoneleli kutani muyimeli wo kari wa miti lezaku u fanele ku huma lomu ka prediyu kutani mitini yo bhiyelwa, u fanele ku tekela ku vumela zonake u tivisa a madota. A ku tirisana ni varangeli hi ndlela yo rula ni kutikoramisa zi nga ha vuna a ku potsa a zikarato. — Mav. 15:1; Rom. 12:18.