‘Tshamani Liranzweni La Nungungulu’
1. Xana a bhuku ‘Tshamani Liranzweni La Nungungulu’ gi mahelwe yini?
1 Hi rinzele hi mahlo yo pswhuka a ku gonza bhuku ‘Tshamani Liranzweni La Nungungulu’ ka Xigonzo xa Biblia xa Bandla kusukela ka viki ga 5 ka Novembro wa 2012. A papilo legi a Hubye yi Fumako yi tsaleleko vontlhe lava va ranzako Jehova gi gumesa hi magezu lawa: “Hi xuva hi mbilu yontlhe lezaku a bhuku legi gi ku vuna a ku simama u hanya hi zinene wutomini ga wena niku hi ku maha lezo u tshama ‘liranzweni la Nungungulu, na u cuwukela kuhanya ka pinzukelwa.’ — Juda 21.”
2. Xana a bhuku legi gi ta hi vunisa kuyini wutomini ga hina?
2 Lezi hi faneleko ku zi rinzela: Hi nga ma tirisisa kuyini a matshinya ya milayo ya Biblia zilweni zo kota vanghana, zihungato, ku chava wuhosi, mahanyela, wukati, kuwulawula, ni mikhuwo ke? A tivalo ta hina ti ta gonziswa a milayo yo lulama ya Nungungulu leyi yi nga lomu ka Biblia. (Tis. 19:7, 8) Laha hi toya hi zwisisa a maalakanyo ya Jehova, hi ta kuceka ku mu ingisa matlhelweni wontlhe ya wutomi ga hina. — Mav. 27:11; 1 Joh. 5:3.
3. Hikuyini hi faneleko ku ti karatela ku nyika mihlamulo viki ni viki?
3 Ti yimisele ku nyika mihlamulo: A xikhati lexi u longiselako, ngha a kungo ga wena gi hi ku dumisa Nungungulu xikari ka hlengeletano ya vanhu vakwe. (Maheb. 13:15) A bandla gontlhe gi ta gonza zinwe a bhuku legi. Kota lezi a xipanze lexi xi to gonziwa viki ni viki xi nga xi tsongwani, hi tava ni xikhati xo enela xa ku longisela khwatsi kasi hi tlhamusela ziku dlunya lezi hi zi gonzileko. Loku hi longisela khwatsi, hi ta kuca vanwani liranzweni ni mitirweni yo saseka hi tlhela hi vuneka nguvu hi bhuku legi. (Maheb. 10:24) Ahandle ka lezo, a xikhati lexi hi kombisako a kukholwa ka hina hi magezu, a litsako la hina li ta engetela.
4. Hikuyini hi faneleko ku hlayisa milayo ya Nungungulu?
4 Ka wusiku gakwe go gumesa laha misaveni, Jesu i kombile kuzwanana ku nga kona xikari ka ku hlayisa milayo ya Jehova ni ku tshama liranzweni la Nungungulu. (Joh. 15:10) A bhuku ‘Liranzo La Nungungulu,’ gi ta hi vuna ku hanya hi matshinya ya milayo ya Biblia wutomini hina, hi tlhela hi ‘tshama liranzweni la Nungungulu.’ — Juda 21.