Zingheniso

Kasi ku sangula a zigonzo za Biblia hi Mulongiso wo sangula ka Agosto

“Ka malembana lawa, a vanhu vo tala va tsakela ku tiva zokari xungetano hi tingelosi. Hi mawonela ya wena, xana a tingelosi ti kona hakunene? [Rinzela hlamulo.] Hi nga wona lezi zi wuliwako laha.” Mu nyike A Murinzeli wa 1 ka Agosto, zonake mu gonza zinwe a timhaka ti nga ka xihlokwana xa mhaka xo sangula ka phajina 16, mu tlhela mu gonza a mutsalo wunwe hi kutsongwani ka kona. Mu nyike marevista, mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Agosto

Gonza Tisimu 65:2, zonake uku: “A vanhu vo tala va kholwa lezaku Nungungulu ‘Muzwi wa mikombelo,’ niku va maha mikombelo siku ni siku. Kanilezi, a vanwani va ti wutisa lezi, ‘Loku Nungungulu a hi kona, hikuyini ku nga ni zikarato zo tala laha misaveni ke?’ U zi wonisa kuyini? Xana i kona Nungungulu loyi a zwako mikombelo ya hina? [Rinzela hlamulo.] A revista legi gi nyika hlamulo wa xiwutiso lexi: ‘Hikuyini a Muzwi wa mikombelo a tsikako vanhu xa xaniseka ke?’”

Despertai! ga Agosto

“Masikwini lawa, a vanhu vo tala va chava ku famba voce, nguvunguvu ni wusiku. U alakanya lezaku xi kona xi nga mahiwako kasi ku hungula wugevenga tikweni legi ke? [Rinzela hlamulo.] A revista legi gi wulawula hi zilo zo kati lezi hina hontlhe hi faneleko ku maha kasi hi hanya hi kurula ni vanwani. Gi tlhela gi wulawula hi lezi a xiprofeto lexi xo saseka xi to tatisekisa zona.” Gonza Tisimu 72:7.