Zingheniso
Kasi Ku Sangula A Zigonzo Za Biblia Hi Mulongiso Wo Sangula Wa Agosto
“A vanhu vo tala va phindaphinda a Mukhongelo wa Hosi: ‘A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.’ Hi mawonela ya wena, xini a Mufumo lowo? [Rinzela hlamulo.] A vesi legi ga Biblia ga hi vuna.” Gonza Danieli 2:44, zonake u nyika a nwinyi wa muti A Murinzeli wa 1 ka Agosto u tlhela u gonza ni ku tlhamusela a timhaka ti nga ka xihlokwana xa mhaka xo sangula ka phajina 28. Mu nyike a marevista u tlhela u boha naye a siku ga ku mu tlhelela kasi ku ya kambisisa a hlamulo wa xiwutiso xi lanzelako.
A Murinzeli wa 1 ka Agosto
“Kota lezi a wutomi gi nga koma na gi tele hi zikarato, a votala va wutisa a xigelo xa kuhanya. Xana wenawu wa tshuka u ti wutisa? [Rinzela hlamulo.] A Biblia gi tsumbisa lezaku a wutomi gi nga ta simamisa lezi. [Gonza Kuvululelwa 21:4.] A revista legi gi wulawula hi kungo ga Nungungulu xungetano hi misava gi tlhela gi xaxameta a zilo zo kari hi zi kotako ku maha kasi kuva ni wutomi go nyawula hambu zalezi.”
Despertai! ga Agosto
“Nzi lava ku tiva a mawonela ya wena xungetano hi vesi legi. [Gonza 1 Samueli 16:23.] Maringano ni lezi hi zi gonzileko, ha zi wona a ku a wucenje gi na ni ntamu. Hi mawonela ya wena, xana za koteka a ku a tisimu to kari ti hi kucetela za kubiha? [Rinzela hlamulo.] A revista legi gi tlhamusela lezi hi nga hlawulisako zona a wucenje ga gi nene ni ku vuna a vana va hina a ku maha zezo.”