Zingheniso

Kasi ku sangula zigonzo za Biblia hi Mulongiso wo sangula wa Agosto

“Zi wonekisa ku khwatsi a vanhu vontlhe va maha mikombelo. Hambu lava va nga kholwiko ka Nungungulu va maha mikombelo loku va hi zikaratweni. Hi mawonela ya wena, Nungungulu wa ingisela mikombelo ya vanhu vontlhe ke?” Rinzela hlamulo. Mu kombe a kapa ya lenzhako ka Murinzeli wa 1 ka Agosto, u kambisisa naye a mahungu ma nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

Xialakanyiso: A xingheniso lexi xi fanele ku kombisiwa ka mutlhangano wa ntiro wa simu hi 3 ka Agosto.

A Murinzeli wa 1 ka Agosto

“Hi ku enzela hi xikhatanyana hakuva a vanhu vo tala va karateka nguvu hi kota ya lezi a vanhu va hlalelako zithombe zo yila va yako va tala. Hambulezo, a vanwani vo tala va alakanya lezaku a ku hlalela zithombe zo yila i ndlela yo ti hungata yi nga hiko na mhango. Wena ke, u zi wonisa kuyini? [Rinzela hlamulo.] Jesu i wulile lezaku hi nga tiva ku a nchumu wo kari wu nene niku a hi wu nene hi mihanzu ya wona. [Gonza Mateu 7:17.] A revista legi gi komba a mihanzu ya ku hlalela a zithombe zo yila gi tlhela gi komba lezi a munhu a nga zi mahako kasi ku ti tlhatlhisa ka tolovelo lowu.”

Despertai! ga Agosto

“A kutala ka hina hi lava ku hanya nguvu hi laha zi kotekako hi kona. U alakanya lezaku a siensia yi ta tshuka yi zi kota ku maha vanhu va hanya kala kupinzuka? [Rinzela hlamulo.] Hi nga wona xitsumbiso lexi xo hlamalisa. [Gonza 1 Va Le Korinte 15:26.] Hambulezo, xana Nungungulu i ta zi mahisa kuyini lezo — i ta tirisa siensia kutani i ta zi maha hi ndlela yinwani? Niku hikuyini nyamutlha hi khosahalako hi tlhela hifa? A revista legi gi komba lezi a Biblia gi hlamulisako zona a ziwutiso lezi.”