Web Site ya hina ya Nayo — Yi mahelwe ku vuna hina ni vanwani

Jesu i hi rumile ku xumayela mahungu yo saseka ya Mufumo “misaveni yontlhe, kasi [mava] wukustumunyu ka matiko wontlhe.” (Mat. 24:14) Kasi ku hi vuna ku ‘tatisa khwatsi a wutireli ga hina,’ a tisite watchtower.org, jw-media.org, ni jw.org ti tlhanganyisilwe ti wumba Web site jw.org yi nga ni matshamela maswa. — 2 Tim. 4:5.

“Misaveni yontlhe”: Misaveni yontlhe, a xipimo xa munhu munwe laha ka vanharu wa tirisa a Internet. Yi hunzukile yi maha wutshamu legi a vanhu vo tala va kumako kona mahungu, nguvunguvu vaswa. A site ya hina yi vuna vatirisi va Internet lezaku va kuma mihlamulo ya ziwutiso za Biblia. Yi va komba a hlengeletano ya Jehova yi tlhela yi va komba ndlela yo olova ya ku kombela xigonzo xa Biblia. Yi maha lezaku a mahungu yo saseka ma chikela ka matshamu lawa zi kalako nguvu ku a vanhu vazwa a mahungu ya Mufumo.

“Matiko wontlhe”: Kasi ku nyika wukustumunyu vanhu va “matiko wontlhe,” hi fanele ku kanela a lisine la Biblia hi tirimi to hambanahambana. Lava va nghenako ka jw.org zi ta va olovela nguvu ku kuma mahungu hi xipimo xa 400 wa tirimi, a ku hunza ni yihi yinwani Web site.

Yi tirise khwatsi: A Web site jw.org a yi mahelwangi ku nyika a wukustumunyu a vangakholwiko ntsena. Yi mahelwe kuva yi tiriswa hi Timboni ta Jehova kambe. Loku u hi ni ka ku nghena hi kona ka Internet, ha ka kuca ku nghena ka jw.org. Wona mawonela lawa ma lanzelako xungetano hi matirisela ya yona.

[Kwadru ga mitlhamuselo ka phajina 3]

(Kasi ku wona matshamela ya lisine, wona a bhuku ga kona)

Ringisa

1 Tsala www.jw.org laha ka wutshamu ga ku tsala kona a khero laha ka komputadori ya wena.

2 Nghena ka matshamu yo hambanahambana ya site leyi hi ku deketa a zihlokwana za mhaka.

3 Ringisa ku nghena ka jw.org hi ku tirisa a selulari ya wena yi nga ni Internet. A phajina gi ta cicanyana kasi gi enela laha ka selulari ya wena, kanilezi a mahungu hi yalawa ya manwe.