Tirisa site ya hina wutirelini — “Mihlamulo ya Biblia”

A xipanze xa “Ensinos Bíblicos” lomu ka jw.org xi na ni xipanze xi vitwako “Perguntas bíblicas respondidas.” Loku hi tolovela ziwutiso lezo zi mahiwako nguvu, hi nga zi kota ku kongomisa nwinyi wa muti ka site ya hina lezaku a ya kuma mihlamulo ya Mitsalo loku a hi maha xiwutiso. A ziwutiso lezi hi nga zi tirisa kasi ku sangula mabhulo wutirelini. Hi nga ha hlawula xiwutiso xi tsakisako vanhu xipanzeni xa hina, hi kombela mawonela ya nwinyi wa muti, hi gumesa hi mu byela lezi a Biblia gi wulako, hi ku tirisa a hlamulo wu nga ka jw.org. Hi kulanzela hi nga mu tlhamusela kutani ku mu komba laha hi ma kumileko kona mahungu lawo. A wonela ginwani ku ngava ku mu tsika a lera hlamulo lowo kwalomu ka site. A sati wa muwoneleli wo kari a fambafambako i humelela nguvu hi ku wula lezi: “A vanhu vo tala va ti wutisa ku ‘Hi Nungungulu a vangako kuxaniseka ke?’ Wa zi tsakela ku tiva hlamulo wa kona nzeni ka 51 wa tisegundo?” Hi kulanzela i bisa a hlamulo wu thepilweko lowu a nga wu koka ka site ya hina wuya ka fone yakwe. I gumesa hi ku mu komba a xipimo 11 xa bhuku A Biblia Gi Gonzisako.