Web Site ya hina ya Nayo — Yi tirise Wutirelini
Komba vanhu a Web site leyi: A vokari va kanakanako ku bhula na hina kutani ku vumela a mabhuku ya hina va zi lava ku hlola a Timboni ta Jehova hi ku nghena ka jw.org na va hi voce mitini yabye. Hikwalaho tivisa a Web site leyi xontlhe xikhati zi kotekako.
Hlamula ziwutiso: A nwinyi wa muti, mutsakeli, kutani munhu u tivanako naye i ta thsuka a ku maha xiwutiso xungetano hi Timboni ta Jehova kutani lezi hi zi kholwako. Tekela ku mu komba a hlamulo hi ku tirisa selulari kutani komputadori. A kutala ka zikhati, zi chukwana ku a mitsalo u yi gonza lomu ka Biblia hi ku kongoma. Loku zi nga koteki ku nghena ka Internet ka xikhati xalexo, mu kombe a matirisela ya jw.org kasi a lava hlamulo lowo ha yece. — Nghena ka “Ensinos Bíblicos/Perguntas Bíblicas Respondidas” kutani “Quem Somos/Perguntas Frequentes.”
Rumela nzima kutani bhuku ka munhu u tivanako naye: Maha “Download” ya nzima kutani bhuku hi PDF kutani EPUB u rumela hi e-mail. Kutani u kopiyara gravasawu ya bhuku go kari u yi chela ka disko. Khati ni khati u rumelelako munhu a bhuku, broxura, kutani revista ga murumba, u nga ha gi hlaya ka mubiko wa wena. A mahungu lawo a wu faneli ku ma rumela na u nga ti tivekisi, kutani ku rumela yo tala ku hunza mpimo; ge hambu ku ma chela ka Web site yinwani ya Internet. — Nghena ka “Publicações.”
Mu kombe a mahungu ya maswa xungetano hi Timboni ta Jehova: Lezo zi ta vuna xigonzani xa Biblia ni vanhu vanwani hi va enzelako lezaku va vuxelwa kutsakela hi ku wona a kuanza ka ntiro wa hina wa misava yontlhe zinwe ni wumunwe ga hina ga wuKristu. (Tis. 133:1) — Nghena ka “Notícias.”
[Tlhamuselo wa mifota ka phajina 5]
Ringisa
1 Lomu ka ku “Publicações,” lavetela a nchumu lowu u lavako ku maha “Download” u guma u dheketa laha ka formato leyi u yi lavako.
2 Dheketa a butawu leyi yi nge “MP3” kasi ku huma xaxameto wa tinzima. Dheketa a nzima leyi u lavako ku yi maha “Download” kutani ▸ kasi ku yi ingisela kwalomo ka Internet.
3 Hlawula lirimi linwani laha ka xaxameto lowu loku u lava ku maha “Download” ya bhuku go kari hi lirimi lelo.