Web Site ya hina ya Nayo — Yi tirise kasi ku vuna munhu a wulawulako lirimi linwani

Mu kombe a Web site ya hina: Mu kombe a matirisela ya xaxameto “Idioma do Site” kasi a wona a Web site leyi hi lirimi lakwe. (Ka tirimi to kari, kova ni xipanze xitsongwani xa site leyi.)

Mu kombe a phajina go kari hi lirimi lakwe: Vulula phajina ga ginwe ga mabhuku ya hina, go kota a bhuku A Biblia Gi Gonzisako kutani a xitlukana Tiva A Zinene. Laha ka xaxameto wa “Ler Em,” hlawula a lirimi la nwinyi wa muti.

Chaya nzima yo kari kasi a yi ingisela: Hlawula a nzima yo kari yi gravarilweko hi lirimi la munhu loye, u yi chaya kasi a yi ingisela. Loku ku hi lezaku u lomu ka ku gonza lirimi linwani, ingisela gravasawu yo kari na u kari u lera a nzima leyo kasi u engetela a wutivi ga wena ka lirimi lelo. — Nghena ka “Publicações/Livros e Brochuras” kutani “Publicações/Revistas.”

Xumayela ziwiri: Loku u kuma xiwiri, vulula vidiyu ya xipimo xo kari xa Biblia, bhuku, broxura, kutani xitlukana hi lirimi la mawoko. — Nghena ka “Publicações/Língua de Sinais.”

[Tlhamuselo wa mifota ka phajina 6]

Ringisa

1 Dheketa ▸ kasi ku chaya a gravasawu leyi u yi hlawulileko (loku yi hi kona hi lirimi la wena) kutani ku hlawula formato yinwe laha ka ku “Opções de Download” kasi ku maha “Download” ya bhuku lego.

2 Hlawula lirimi linwani laha ka “Ler Em” kasi ku kombisa phajina legi hi lirimi lelo.

3 Deketa “Próximo” kutani a link yo kari ka “Sumário” kasi ku gonza nzima yinwani kutani xipimo xinwani.