Web Site ya hina ya Nayo — Yi tirise ka Xigonzo xa Wena Wutsumbu kutani xa Ngango

Gonza a marevista ya maswa ka Internet: Gonza a marevista A Murinzeli ni Despertai! ka Internet na ka ha sele maviki yo tala lezaku hi amukela lawa yo gandliwa laha bandleni. Ingisela a gravasawu ya revista ka Internet. — Nghena ka “Publicações/Revistas.”

Gonza timhaka ti kumekako ka Web Site leyi ntsena: A tinzima to kari, to kota “Para os Jovens,” “Minhas Lições da Bíblia,” “Para Considerar em Família,” ni “Os Jovens Perguntam,” zalezi ti kumeka ntsena ka Web site ya hina. Nghena ka Internet u kambisisa timhaka leto ka xigonzo xa wena wutsumbu ni xa ngango. — Nghena ka “Ensinos Bíblicos/Crianças” kutani “Ensinos Bíblicos/Adolescentes.”

Kuma mahungu ya maswa: Gonza mibiko ni matshango ma tiyisako hlana u tlhela u hlalela tividiyu ti khanyisako a kuanza ka ntiro wa hina matlhelweni yo hambanahambana ya misava. A mibiko yi wulawulako hi timhango ni kuxaniswa ka vamakabye, yi nga hi vuna ku wulawula hi timhaka to kongoma loku hi khongelela a vamakabye va hina lava va nga ka xiyimo. (Jas. 5:16) — Nghena ka “Notícias.”

Kambisisa timhaka hi ku tirisa a Biblioteca On-line: Loku a xipanze lixi xi hi kona hi lirimi la wena, tirisa a koputadori kutani selulari kasi ku gonza a mutsalo wa siku ka Internet kutani ku lava timhaka ka mabhuku ya hina ya maswa. — Nghena ka “Publicações/Biblioteka On-line,” kutani ku tsala ku www.wol.jw.org laha ka wutshamu ga ku tsala kona a khero ga Internet kasi ku nghena.

[Tlhamuselo wa mifota ka phajina 4]

Ringisa

1 Dheketa laha ka mufota kutani laha ka link ya ku “Baixe.” A mufota wu vululeka hi PDF. Wu gandle u nyika n’wana wa wena lezaku a gonza hi wona.

2 Dheketa “Play” kasi ku hlalela vidiyu.