Zingheniso

Kasi ku sangula zigonzo za Biblia hi Mulongiso wo sangula wa Fevereiro

“A vanhu vo tala hi wulawulako navo va na ni mawonela yo hambana xungetano hi Biblia. A vokari va kholwa lezaku i Mhaka ya Nungungulu, kanilezi a vanwani va gi wona kota bhuku ntsena go fana ni manwani. Wena ke, u gi wonisa kuyini?” Rinzela hlamulo. Mu kombe seno nzhako ka Murinzeli wa 1 ka Fevereiro, u kambisisa naye a mahungu ma nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Fevereiro

“A vanhu vo tala va tsakela ku wona tiyimpi na ti mbhela. U alakanya zi ta tshuka zi koteka a ku kuva ni kurula misaveni yontlhe? [Rinzela hlamulo.] Wona lezi a Mutsalo lowu wu tsumbisako. [Gonza Tisimu 46:9.] Wona lezaku a zilo zi mahekako kusukela Yimpini yo Sangula ya Misava zi hi tiyisa lezaku lokuloku Nungungulu i ta tatisa xiprofeto lexi, a fuvisa yimpi kala kupinzuka. A revista legi gi tlhamusela mhaka leyi.”

Despertai! ga Fevereiro

“Hi ku enzela kasi ku ta bhula hi xikarato xi khumbako vanhu vontlhe. Zi wonekisa ku khwatsi a hi tshuki hiva ni xikhati xo enela xa ku maha zilo zontlhe. U alakanya lezaku hova ni zilo zo tala hi faneleko ku maha kutani ho hlakana hi xikhati? [Rinzela hlamulo.] A votala a va zi tivi lezaku a Biblia ga nyika wusungukati ga wutlhari gi hi vunako ku tirisa khwatsi xikhati. Wona xikombiso lexi. [Gonza Va Le Filipi 1:10a.] A revista legi gi komba a mune wa mamahela ma vunako votala lezaku va tirisa xikhati xabye hi wutlhari.”