Zingheniso

Kasi ku sangula zigonzo za Biblia hi Mulongiso wo sangula wa Fevereiro

“A vanhu vo tala va zi wona lezaku Diabolus hi yena a wonelelako a zilo zo biha lezi zi mahekako tikweni legi. Kanilezi va ti wutisa lezi: ‘Kasi i tile hi kwihi Diabolus? Xana i no vangiwa hi Nungungulu?’ U zi wonisa kuyini wena? [Rinzela hlamulo.] Hi nga wona lezi zi nga tsaliwa laha.” Mu kombe a nzima yi nga ka kapa ya lenzhako ya Murinzeli wa 1 ka Fevereiro, u kambisisa naye a nzimana yo sangula ni mutsalo lowu wu kumbukilweko. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Fevereiro

“Hi tsakela ku tiva mawonela ya wena xungetano hi munhu a kombiswako nguvu xichawo hi maKristu, vaJuda ni vaMwinyi. A munhu loye hi Mosi. Hi wihi a nchumu wo sangula wu ku telako maalakanyweni loku uzwa a vito gakwe? [Rinzela hlamulo.] Hambu lezi a mahileko zihoxo, za hlamalisa lezi a Biblia gi mu tlhamuselisako zona Mosi. [Gonza Deuteronome 34:10-12.] A revista legi gi wulawula hi matshamela manharu lawa Mosi a nga hi nawo ni lezi hi nga mu pimanyisisako zona.”

Despertai! ga Fevereiro

“Zi tolovelekile ka masiku lawa ku vanhu va rurela ka tiko ginwani na va hlota wutomi gi nene. U alakanya lezaku xontlhe xikhati va zi kuma lezi va zi hlotako? [Rinzela hlamulo.] A ku rura a hi za masiku lawa ntsena. Wona xikombiso lexi ka bhuku go sangula ga Biblia. [Gonza Genesisi 46:5, 6.] A revista legi gi hlamula a ziwutiso lezi.” Komba a nwinyi wa muti a ziwutiso zi nga magumo ka phajina? 6.