Zingheniso

Hi nga yi kuma kwihi a mihlamulo ya ziwutiso za lisima za wutomi?

Mu nyiki xiphephana a nwinyi wa muti hi ndlela ya ku a wona hloko ya mhaka zonake loku u mu losile uku: “Hi lomu ka tsima gi mahiwako misaveni yontlhe ga ku nyikela a mahungu lawa ya lisima. Hi lexi a xiphephana xa wena.”

Loku u siya a xiphephana laha u nga kala ku kuma munhu, xi veke laha kubaseni u tlhela u nga xi petsi handle ka xigelo.

Loku a nwinyi wa muti a kombisa kutsakela kutani a lava ku bhula, u nga mu maha a xiwutiso lexi xi nga laha mahlweni xi nga ni mihlamulo yo hambanahambana, u tlhela u mu komba lezi a bhuku ga Tisimu 119:44 ni 160 gi wulako. Mu tlhamusele lezaku a xiphephana lexi xi na ni mahungu ma yelanako ni Web site yi nga mu vunako ku kuma mihlamulo ya yi nene lomu ka Biblia. Loku a hi ni xikhati, kuzilava u nga mu kombanyana hi ku mu komba a vidiyu “Hikuyini u faneleko ku gonza a Biblia?” Na u nga se famba, mu kombe a ziwutiso za zinharu zi nga le nzhako ka xiphephana zonake u mu wutisa lexi a tsakelako ku tiva hlamulo wa kona. Loku u tlhela, hlamula a xiwutiso lexo hi ku nghena ka ENSINOS BÍBLICOS > PERGUNTAS BÍBLICAS RESPONDIDAS.

Ka matshamu lawa ku nga hava a Internet, nyikelani a broxura Mahungu yo Saseka ya Nungungulu! hi ku wula lezi: “Nzi wa tsakela ku ku komba lezi zi tsakisisako zona a ku gonza a Mhaka ya Nungungulu.” Kombela a nwinyi wa muti a hlawula mhaka yinwe le nzhako ka broxura zonake uku: “U wa zi tiva lezaku hi timeneti ti tsongwani ntsena u nga kuma a hlamulo wa xiwutiso lexi xa lisima?” [Mu kombe hi ku hlamula a xiwutiso lexi a hlawulileko.] Maha malulamiselo ya ku u wuya mu ta simama ni bhulo ga nwina hi ku tirisa xiwutiso xi lanzelako. Ti karatele ku siya a xiphephana Hi nga yi kuma kwihi a mihlamulo ya ziwutiso za lisima za wutomi? ka muti ni muti.

Loku mu kari mu nyikela a zirambo za gotsovanyano wa nwina wa muganga, nyika nwinyi wa muti a xirambo ni xiphephana zonake uku, “Hi ku nyika ni xirambo lexi kambe lezaku u tava kona ka ximaho xi tako laha ku rambiwako a vanhu vontlhe mahala.”

A Murinzeli wa 1 ka Agosto

Kumbheleni ka viki, loku zi ringana ku nyikela A Murinzeli wula lezi: “Hi wa tsakela ku ku nyika a marevista ya hina kambe. A Murinzeli loyi i hlamula a xiwutiso lexi: Nungungulu wa khatala hi wena ke?”

Despertai! ga Agosto

Kumbheleni ka viki, loku zi ringana ku nyikela a Despertai! wula lezi: “Hi wa tsakela ku ku nyika a marevista ya hina kambe. A Despertai! legi gi wulawula hi ndlela ya ku lava ku rula ni vanwani.”