Hlengela “zilo zi nene” hi kuva ni wuhana (Mat. 12:35a)

Handle ko kanakana hontlheni ha zi lava ku hlengela “zilo zi nene” ni vanwani hi ku “amukela vapfhumba.” (Rom. 12:13) A madota ma maha malulamiselo ya lezaku a vakaneli va kuta va rurelwa hi matsenya va tlhela va hakhelwa a mali ya lienzo labye. Kanilezi, hina vanwani hi nga ha kanakana ku kombisa wuhana hi kuva hi hi zisiwana, kutani hi nga hawa tingana ku ramba vanwani vata mitini ya hina. A ku zwisisa wusungukati legi Jesu a nyikileko Marta zi nga hi vuna ku hlula maalakanyo lawo. (Luka 10:39-42) I khanyisile lezaku “a xiavelo xo saseka” xa ku amukela vapfhumba mabhulo ni kutiyisana, a hi zakuga zo chanza kutani kusaseka ka lomu ndlwini. Loku hi lanzela wusungukati legi, hontlheni hi nga hlengela “zilo zi nene” ni vamakabye va hina hi kuya hi wusungukati ga Mhaka ya Nungungulu. — 3 Joh. 5-8.