BHIBLIOTEKA YA SAITE ya Watchtower

BHIBLIOTEKA YA SAITE

mwb16 Abril p. 3
Kuca vanwani u tlhela u va tiyisa hi magezu ya ma nene

Ntiro wa hina ni mahanyela ya wuKristu — Xibhukwana xa mitlhangano (2016)

mwb16 Abril p. 3

TITSHOMBA TI NGA KA MHAKA YA NUNGUNGULU | JOBA 16-20

Kuca ni ku tiyisa vanwani hi magezu ma nene

A magezu ya sungukati ma fanele ku tiyisa vanwani

Joba i wa mbhelile ntamu ni kukarateka, hikwalaho i wa lava ku seketelwa ni ku tiyiswa hlana hi vanwani
A vanghana va Joba va vanharu a va wulangi nchumu wa ku mu chavelela. Va lo mu lumbeta ni ku mu engetela kukarateka

A magezu ya Bildade yo tlhava ma lo rilisa Joba hi ku nga ha tivi xo maha

Joba i lo rila ka Nungungulu na a lava ku hungulelwa kubayisa — hambu kufa
Joba i lo veka kupima kutsumbeni kakwe ka kuvuka ka vafileko zonake a timisela hi kutsumbeka

Hi Elifaze a wulawulako na Joba, Bildade na Zofare na va mu cuwukisela

VALUMBETI VA JOBA

Elifaze:

Zo khwatsi i wata hi Temani tikweni ga Edome. Temani i kumbukwa ka Jeremia 49:7 kota tsinza ga wutlhari ga vaEdome
Zi wonekisa ku khwatsi i wa hi yena nhonzo ka vontlhe ni wa ntamu ka “vachaveleli” lava. Kuve yena wo ranga ku wulawula. I wulawulile kunharu a tlhela a wulawula zotala ku hunza lava vanwani va vambiri

Zilumbeto za mawunwa:

I lo tseketsela Joba hi lezi a nga tsumbekile a tlhela aku Nungungulu a nga ma tsumbi malanza yakwe (Job 4, 5)
I lo wulawula kubiha hi Joba aku, i maha zilo zi nga mu faneliko, i bihile niku a nga mu chavi Nungungulu (Job 15)
I lo lumbeta Joba aku i na ni makangwa, a nga lulamangi a tlhela aku a munhu a nga vuni nchumu ka Nungungulu (Job 22)

Bildade:

I wa hi muXuhi. Zo khwatsi i wa hanya timbhirini ta Congo wa Eufrate
Ive wa wumbiri ku wulawula. I wulawulile kunharu. A magezu yakwe mave matsongwani ku hunza lawa ya Elifaze kanilezi ma wa tlhava nguvu

Zilumbeto za mawunwa:

I zi mahile zi wonekisa ku khwatsi a vana va Joba va wa onhile niku va wa ringana ku tsayiswa hi khombo legi gi nga va wela, a tlhela aku Joba i wa nga kholwi ka Nungungulu (Job 8)
I te Joba i wa muonhi (Job 18)
I waku a zi vuni nchumu kuva munhu a tsumbeka (Job 25)

Zofare:

I wa hi muNaama, na ziku khwatsi i wata hi Arabia wa nwalungu wa mupela-gambo
Ive wa wunharu a ku wulawula ni kuva mulumbeti wo kariha ku hunza vontlhe. I lo wulawula kumbiri ntsena

Zilumbeto za mawunwa:

I lo lumbeta Joba aku i wulawula timhaka ta hava a tlhela aku i wa tsike mitiro yakwe ya kubiha (Job 11)
I waku Joba i bihile niku i wa khana xionhweni (Job 20)