Ndlela ya ku nyika mihlamulo ya yi nene

A mihlamulo yi nene yi tiyisa bandla. (Ro 14:19) Yi vuna kambe lava va hlamulako. (Mav 15:23, 28) Hikwalaho, ka mutlhangano munwe ni munwani hi fanele ku ti karatela ku hlamula a khati ginwe hi kutsongwani ka kona. Kota lezi hi zi tivako lezaku hi nga ta nyiketiwa ku hi hlamula khati ni khati hi to tlakusa woko, i chukwana ku longisela mihlamulo yo hlaya.

A hlamulo wa wu nene . . . 

• hi lowu wo olova, wo dlunyateka, ni wo koma. A kutala ka zikhati, wu nga nyikelwa hi 30 wa tisegundo kuya hasi

• hi lowu wa ku hlamula hi magezu ya wena

• hi lowu wu nga phindiko lezi zi sinako zi hlamulilwe

Loku ku hi wena wo ranga ku nyiketwa ku hlamula . . . 

• nyika hlamulo wo olova, wu hlamulako hi kukongoma a xiwutiso lexo

Loku ku hi lezaku a xiwutiso se xi hlamulilwe, u nga . . .

• komba lezi a mutsalo lowu wu kumbukilweko wu seketelisako zona a mhaka leyi yi gonziwako

• wula lezi a mhaka leyo yi yelanisako zona ni wutomi ga hina

• tlhamusela lezi a mahungu lawo hi nga ma tirisisako zona

• hlawutela tshango go koma gi dlunyatisako a mhaka-tshinya