U nga tiyisa a muKristu a holileko

Hi Wazibili wa 11 ka Abril, a maKristu yo tala ma holileko ma tava kona Xialakanyisweni. A maKristu lawo ma sina ma hi ndleleni ya mapalisana ya wutomi kanilezi zezi ma hungulile mazambo hi zigelo zo tala. A zinwani za zigelo lezo ku wulawuliwa hi zona lomu ka broxura Wuya ka Jehova. (Mah 12:1) Hambulezo, va hi va lisima ka Jehova, loyi a va xavileko hi nkhata wa N’wana wakwe. (Mit 20:28; 1 Pe 1:18, 19) Hi nga va vunisa kuyini lezaku va wuya bandleni?

A madota ya bandla ma ti karatela ku hlota ni ku vuna maKristu ma holileko a ku fana ni murisi loyi hi wukheta a hlotako yivu yi tsikileko ntlhambi. (Lu 15:4-7) Lezo zi kombisa kukhatala ka Jehova ka liranzo. (Jer 23:3, 4) A hi madota woce ma faneleko ku tiyisa vanhu lavo, hontlheni hi nga va tiyisa. A kutikarata ka hina ka ku lava ku kombisa wunene ni ku zwela wusiwana ka tsakisa Jehova niku ka neha nchachazelo wa hombe. (Mav 19:17; Mit 20:35) Hikwalaho, alakanyela loyi u nga mu tiyisako, niku u nga zi maheli mihoni!

WONA VIDIYU TIYISA LAVA VA HOLILEKO, U GUMA U HLAMULA ZIWUTISO LEZI:

• Zini lezi Abbey a nga maha a xikhati lexi a nga kumana ni Mboni a nga kala a nga yi tivi?

• Hikuyini hi faneleko ku bhula ni madota loku hi alakanyela ku vuna munhu wo kari a holileko?

• Abbey i ti longiselisile kuyini kasi ku enzela Laura hi khati ga wumbiri?

• Abbey i kombisile kuyini a kutimisela, ni lihlaza-mbilu ni liranzo laha a nga kari a zama ku tiyisa Laura?

• Hi gonza yini ka mufananiso wa Jesu wu nga ka Luka 15:8-10?

• Makatekwa muni ma ngava kona hi kota ya kutikarata loku ku nga mahiwa kasi ku vuna Laura?