Hanyela ku dhumisa Jehovha!

A wutomi cinyikiwo ca lisima. Lezvi hi gi tirisisako zvona a wutomi ga hina zvi komba lezvi hi gi bongisako zvona. Kota Timboni ta Jehovha, hi ti karatela ku tirisa wutlhari ga hina kasi ku dhumisa Jehovha, a Munyiki wa wutomi. (Lis 36:9; Kuv 4:11) Hambulezvo, zva olova ku hi sangula ku nga ha zvi nyiki lisima a zvilo zva moya hi kota ya kukarateka ku vangiwako hi wutomi ga siku ni siku tikweni legi go biha. (Mr 4:18, 19) Zva lisima ku a mun’we ni mun’wani wa hina a ti wutisa lezvi: ‘Xana ndza mahela Jehovha zvontlhe zvi nga ntan’wini wa mina? (Ho 14:2) A ntiro wa mina wo ti hanyisa wu wu khumbisa kuyini a ntiro lowu ndzi mahelako Jehovha? Hi yihi mixuvo ya mina ya moya? Ndzi nga engetelisa kuyini a ntiro wa mina wo chumayela?’ Loku u wona zvokari zvi lavako ku chukwatiswa, kombela Jehovha lezvaku a ku vhuna u tlhela u cica lezvi zvi lavekako. Handle ko kanakana, a ku dhumisa Jehovha siku ni siku zvi hi nehela wutomi go tsakisa zvi tlhela zvi hi nyika litsako! — Lis 61:8.

WONA A VHIDHYU TIRISA WUTLHARI GA WENA KASI KU TIRELA JEHOVHA, U GUMA U HLAMULA ZVIWUTISO LEZVI:

• Hikuyini zvi nga wupumbu a ku tsika wutlhari ga wena gi tirisiwa hi tiko ga Sathani? (1 Jo 2:17)

• Makatekwa muni ma kumiwako hi lava va mahelako Jehovha zvontlhe zvi nga ntan’wini wabye?

• U nga tirisa wutlhari ga wena hi kuzvirandza ka mitiro muni ya moya?