Potsa timhango ta ku tirisa Internet

HIKUYINI ZVI NGA ZVA LISIMA? A ku fana ni zvitiro zvin’wani hi zvi tirisako, a Internet yi nga hi vhuna kutani ku hi vangela zvikarato. A maKristu yo kari ma boha ku nga tirisi Internet. A man’wani ma tirisa Internet kasi ku bhula ni maxaka ni vanghana. Hambulezvo, Sathani i lava lezvaku hi tirisa Internet hi ndlela ya hava, lezvi zvi nga wonhako wumunhu ga hina ni wunghana ga hina na Jehovha. A ku fana na Jesu, hi nga tirisa matshinya ya milayo ya Bhibhiliya kasi hi tiva makhombo ya ku tirisa Internet hi ndlela ya hava hi tlhela hi ma potsa. — Lu 4:4, 8, 12.

POTSA TIMHANGO TA INTERNET:

• Ku tirisa nguvhu Internet. A ku mbheta cikhati co tala na hi tirisa Internet zvi nga hi gela cikhati leci hi nga wa ta ci tirisela ku maha mitiro ya moya.

  Matshinya ya milayo ya Bhibhiliya: Efe 5:15, 16; Fil 1:10

• Ku wona zvithombe zvo kala zvi nga dzundzeki. A ku wona zvithombe zvi vhuxako manyawunyawu ya masango zvi nga maha munhu ava khumbi ya ku wona zvithombe zvo yila kutani ku mu yisa wubhayini. A ku hlamula mahungu ya vahluwuki zvi nga daya a kukholwa ka muKristu.

  Matshinya ya milayo ya Bhibhiliya: Mt 5:28; Fil 4:8

• Ku tsala timhaka to kala ku dzundzeka kutani ku chela mifota. Kota lezvi a mbilu yi khohlisako, a munhu a nga tsala timhaka to kala ku dzundzeka kutani ku chela mifota yo yila ka Internet. Hambulezvo, a ku maha lezvo zvi nga chakisa wumunhu ga munhu loye kutani ku a kukholwa kakwe ku mbhela ntamu.

  Matshinya ya milayo ya Bhibhiliya: Ro 14:13; Efe 4:29

WONA VHIDHYU TIRISA INTERNET HI WUTLHARI, U GUMA U VHUXETA LEZVI U NGA POTSISAKO ZVONA A ZVIMAHO LEZVI ZVI LANDZELAKO: