Alakanya a sati wa Loti

Hikuyini a sati wa Loti a nga cuwuka ndzhako a cikhati a nga huma Sodhoma? A Bhibhiliya a gi hi byeli. (Ge 19:17, 26) Kanilezvi a mongo wa magezu ya Jesu wu komba lezvaku i wa xuva zvilo lezvi a nga zvi siyile. (Lu 17:31, 32) Nungungulu a nga ha mu amukelangi sati wa Loti. Hi nga maha yini kasi Jehovha a simama ku hi amukela? Hi nga rangisi titshomba wutomini ga hina. (Mt 6:33) Jesu i gondzisile lezvaku a hi nge ‘zvi koti ku tirela Nungungulu ni mamona [“titshomba”]’. (Mt 6:24) Kanilezvi ahati loku hi pola lezvaku a titshomba ta sangula kuga cikhati ca zvilo zva moya? Hi nga khongela ka Jehovha hi kombela wutlhari kasi hi pola lomu hi faneleko ku cica kona. Hi nga tlhela hi kombela a kutiya-hlana kasi hi zvi kota a ku maha lezvo.

ALAKANYA ZVIPANDZE ZVINHARU ZVA VHIDHYU ALAKANYA A SATI WA LOTI, U GUMA U HLAMULA ZVIWUTISO LEZVI:

• 

  A ku lava mali yo tala zvi cicisile kuyini maalakanyo, mawulawulela ni zvimaho zva Glória?

• Hikuyini lezvi zvi nga humelela sati wa Loti zvi nga citlharihiso ka hina?

• A ku tirisa matshinya ya milayo ya Bhibhiliya zvi mu vhunisile kuyini Jona ni ngango wakwe?

• A vanghana lava Ana a nga hi navo le ntirweni, va khumbisile kuyini a wu moya gakwe?

• Hikuyini zvi lavako kutiya-hlana loku hi kucetelwa ku rangisa mali wutomi ga hina?

• Bruno na Glória va zvi kotisile kuyini ku tlhela va rangisa zvilo zva moya?

• Matshinya muni ya milayo ya Bhibhiliya ma kumbukiwako ka vhidhyu leyi?