Hlota ku gondzisiwa hi Jehovha

HIKUYINI ZVI NGA ZVA LISIMA? A Mugondzisi wa Hombe Jehovha, i hi nyika a gondziselelo ya yi nene nguvhu ya ku hundza tontlhe. I hi gondzisa lezvi hi nga chukwatisisako zvona a wutomi ga hina zvezvi, a tlhela a hi longisela ku hanya wutomi go tsakisa cikhatini ci tako — zvontlhe lezvo mahala! (Isa 11:6-9; 30:20, 21; Kuv 22:17) Hi kota ya gondziselelo leyo, Jehovha kambe wa hi longisela kasi hi byela van’wani a mahungu ya ku ponisa. — 2Ko 3:5.

U NGA ZVI MAHISA KUYINI?

• Hlakulela a matshamela yo kota kutikoramisa ni kurula. — Lis 25:8, 9

• Vhumela ku gondzisiwa hi Jehovha zvalezvi, hi ku vhumela a zviavelo zvi nyikiwako a zvigondzani ka mutlhangano wa cikari ka vhiki

• Ti vekele mixuvo ya moya. — Flp 3:13

• Ti karatele ku ringanelwa hi ku kuma a gondziselelo yo engeteleka. — Flp 3:8

WONA A VHIDHYU VA KUMILE MAKATEKWA YO TALA HI KU GONDZISIWA HI JEHOVHA, U GUMESA U HLAMULA A ZVIWUTISO ZVI LANDZELAKO:

• Zvikarato muni lezvi a vahuweleli vo kari va zvi hlulako kasi va zvi kota ku gondza a Cikola ca Vavhangeli va Mufumo?

• Makatekwa muni ma kumiwako hi lava va gondzako Cikola ca Vavhangeli va Mufumo?

• A zviro zva bandla zvi va vhunisile kuyini a vamakabye lava va gondzileko Cikola ca Vavhangeli va Mufumo ka zviavelo zvabye zva zvizwa?

• Zvini zvi lavekako kasi u ringanelwa hi ku gondza a Cikola ca Vavhangeli va Mufumo? (kr 189)

• Hi zvihi zvin’wani zvikola lezvi wena u nga zvi gondzako lomu ka Hlengeletano ya Jehovha?