U longile kuya Cikoleni ca Vavhangeli va Mufumo?

U ntirweni wa cikhati contlhe, na u hi ka tanga ya 23 kuya ka 65 wa malembe? U na ni lihanyo la li nene, niku u nga zvi kota ku tira ni kwihi lomu ku nga ni cilaveko ca hombe? Loku a hlamulo wa wena ka zviwutiso lezvi wu hi ina, u tshuka u ehleketa hi kuya ka Cikola ca Vavhangeli va Mufumo? Kusukela ka turma ya ku sangula, a vamakabye vo tala va chadhileko ni va magwendza va gondzile cikola leco. Hambulezvo, ku laveka vamakabye votala va cinuna va magwendza kasi va gondza cikola leco. Kombela Jehovha kasi a ku vhuna ku engetela mixuvo ya wena ya ku lava ku mu tsakisa ni ku pimanyisa cikombiso ca Jesu. (Lis 40:8; Mat 20:28; Mah 10:7) Hi ku landzela, kambisisa tindlela ta ku hungula mitiro ya wena ya siku ni siku kasi u ta ringanelwa.

Zviavelo muni zvi kumiwako hi lava va gondzako a cikola leci? A vokari va nga gradhuwara va nyikilwe zviavelo zva ku tira ka wutshamu legi ku wulawuliwako lirimi lo hambana ni lirimi labye la mabeleko kutani ku nyika wukustumunyu go hlawuleka madhoropeni ma nga ni vanhu vo tala. A van’wani va gradhuwarileko va gumile va tira kota vavhaleti va vawoneleli va zvipandze, ku tira kota vawoneleli va zvipandze kutani varumiwa. Laha u ehleketako hi ku engetela ntiro wa wena ka Jehovha, kuzvilava u nga ha ti zwisa ku khwatsi hi lezvi muphrofeti Isaya a nga ti zwisa zvona laha a ngaku: “Hi mina, ruma mina.”—Isa 6:8.

SIXTIRA VHIDHIO VARUMIWA VA TIRAKO KUTSHOVELENI, U GUMESA U HLAMULA ZVIWUTISO LEZVI:

• 

  Va yimisiswa kuyini a varumiwa?

• 

  I ntiro muni wa wu nene lowu a varumiwa va mahako?

• 

  Makatekwa muni ma kumiwako hi lava va tirako kota varumiwa?