Lezvi a ntiro wa hina wa ku vhunetela lava va welweko hi timhango wu vhunisileko zvona a maKristu ya le Caribe

A ku fana ni ka zana ga malembe go sangula, hinawu nyamutlha hi na ni thomo ga ku kombisa a lirandzo la hina hi maKristu-kuloni loku ma humelelwa hi timhango. (Joh 13:34, 35) Wona a vhidhyu leyi yi nge Lirandzo li kombisiwako hi mitiro — Ntiro wa hina wa ku vhunetela lava va welweko hi timhango le zvihlaleni zva Caribe kasi u wona lezvi a maKristu ma zvi mahileko kasi ma vhuna a vamakabye lava va hanyako Caribe, u gumesa u hlamula a zviwutiso lezvi:

• A vamakabye va hina le Caribe va khumbisilwe kuyini hi Cingulo ca Irma ni Cingulo ca Maria?

• Jehovha i va vhunisile kuyini a vamakabye va hina va le Caribe hi ku tirisa maKristu-kuloni?

• Va kombisile kuyini a kubonga hi lirandzo ni wuhana ga vamakabye?

• A vamakabye vo tala va hlengelisile kuyini ka ntiro wa ku vhunetela lava va welweko hi timhango le Caribe?

• Hina hontlheni hi nga hlengelisa kuyini ka ntiro wa ku vhunetela lava va welweko hi timhango?

• A vhidhyu leyi yi ku maha u ti zwisa kuyini hi ku lumba a hlengeletano leyi ya lirandzo?