“Simamani ku alakanya hi zvilo lezvo”

Zvilo muni? Va Le Filipi 4:8 ili hi fanele ku alakanyela zvilo zvi nga zvi nene, zvi dzundzekako, zvi lulamileko, zvi basileko, zvi kucako ku randzana, zvi akako, zvi nga solekiko ni lezvi zvi faneleko ku bongiwa. Lezvo a zvi wuli lezvaku a maKristu ma fanele ku tshama hi ku alakanyela hi Bhibhiliya contlhe cikhati. Kanilezvi, a maalakanyo ya timbilu ta hina ma fanele ku tsakisa Jehovha. Wona a ma faneli ku hi mbheta ntamu lezvaku hi nga ha tsumbeki ka Jehovha. — Lis 19:14.

Zva karata a ku potsa a maalakanyo ya hava. Hi fanele a kulwa ni kungambheleli ka hina hi tlhela hilwa na Sathani, “a nungungulu wa tiko legi.” (2Ko 4:4) Kota lezvi yena a wonelelako a zvihaxa-mahungu zva tiko, a kutala ka mahungu ma haxiwako hi televhizawu, radhu, internet ni majornali a ma hlazvekangi. Loku hi nga ti woneli ka lezvi zvi tatako a maalakanyo ya hina, a kupima ka hina ku ta wonheka niku, hi kugumesa, zvi ta hi maha hi wela ciwonhweni. — Jak 1:14, 15.

WONA A VHIDHYU POTSA LEZI ZI HEHLAKO KUTSUMBEKA — MIHLAKANO YI NGA HLAZEKANGIKO, U GUMESA U HLAMULA A ZVIWUTISO LEZVI:

• 

  Zvini lezvi a makabye a nga kari a zvi wona ka fone yakwe, niku zvi mu khumbisile kuyini?

• 

  Yena i vhunisilwe kuyini hi Va Le Galatiya 6:7, 8 ni Lisimu 119:37?