Kutsumbeka ka hina ni maalakanyo ya hina

Hi kombisa ku ha tsumbeka na ku nga hi ka lezvi hi zvi wulako ni lezvi hi zvi mahako basi, kanilezvi ni ka lezvi hi zvi ehleketako. (Lis. 19:14) A Bhibhiliya gi hi kuca a ku ehleketa hi ni zvihi lezvi zvi nga zvi nene, ni zvihi lezvi zvi dzundzekako, ni zvihi lezvi zvi lulamileko, ni zvihi lezvi zvi basileko, ni zvihi lezvi zvi hi kucako ku randzana, ni zvihi lezvi zvi akako, ni zvihi lezvi zvi nga solekiko, ni zvihi lezvi zvi faneleko ku bongiwa. (Filp. 4:8) Lisine ku a hi contlhe cikhati hi to zvi kota ku betela a maalakanyo ya hava a ku nghena ka mapimo ya hina. Hambulezvo, a ku ti khoma ku nga hi vhuna ku hlongola a maalakanyo yo biha hi ma vhaleta hi lawa ya manene. Loku hi tsumbeka maalakanyweni ya hina zvi ta hi vhuna kuva vanhu vo tsumbeka ka zvimaho zva hina. — Mar. 7:21-23.

Ka mitsalo yi landzelako, tsala a maalakanyo ya hava hi faneleko ku ma potsa:

Rom. 12:3

Luka 12:15

Mat. 5:28

Filp. 3:13