MAHANYELA YA WUKRISTU

Jehovha i randza vanhu vo basa

“Hlamba mandla. Swiyela lomu ndlwini. Swiyela laha handle. Famba uya hoxa chaka.” A vapswali vo tala va gondzisa vana vabye lezvi va nga mahako kasi va basa hi tlhelo ga nyama. Hambulezvo, a tshinya ga nayo ga ku basani gita hi ka Nungungulu wa hina wo basa. (Ek 30:18-20; De 23:14; 2Ko 7:1) Loku hi basisa a miri wa hina ni zvontlhe zvi hi lumbako, hi dhumisa Jehovha. (1Pe 1:14-16) Ahati hi mimiti ya hina ni zvontlhe lezvi zvi hi randzeleko? A ku hambana ni vanhu va hoxako a chaka lomu maruweni ni lomu ka maparki, a maKristu ma maha zvontlhe ma zvi kotako kasi ma simama ku basisa a misava leyi va hanyako ka yona. (Lis 115:16; Kuv 11:18) Hambu zvilo zva zvitsongwani, zvo kota lomu hi hoxako kona a zviphephana zva tikofeti, ni mabotori kutani zvikotela, ni tixuwinga, zvi nga komba matshamela ya hina xungetano hi kubasa. Ka matshamela wontlhe ya wutomi, hi lava ku “komba lezvaku hi malandza ya Nungungulu”. — 2Ko 6:3, 4.

WONA A VHIDHYU JEHOVHA I RANDZA VANHU VO BASA, U GUMESA U HLAMULA ZVIWUTISO LEZVI:

Zvigelo muni lezvi a van’wani va ti lavelako kasi va nga tshami na va basile?
A Nayo wa Mosi wu komba mawonela ya Jehovha xungetano hi kubasa hi ndlela muni?
Hi nga mu dhumisisa kuyini Jehovha na hi nga wulawuli?

Makabye a nghenako lomu movheni wa chaka wa n’wana wakwe; mupswali ni n’wana va bhulako hi milayo ya Jehovha ya kubasa; vapristi vambiri le Izrayeli wa kale va nga kusuhani ni cinamelo ca suku kutani cobre ca ku hlambela kona; ntlawa wa ntiro wa kuchumayela wu humako hi lomu movheni lowu makunu wu basileko — Ndzi nga ma kombisa kuyini a mawonela ya Jehovha ya ku basa wutomini ga mina?