U yi nyikisa kuyini a lisima a mhaka ya Nungungulu?

A Bhibhiliya gi na ni maalakanyo ni magezu ya Jehovha Nungungulu, a Mutumbuluxi wa bhuku legi go basa. (2Pe 1:20, 21) Hi ku khanyisa a kutiyisiwa ka wuhosi ga Nungungulu hi Mufumo wakwe, a Bhibhiliya gi nyika vanhu a kutsumba ka ku na ku nga hi kale a wutomi gi ta chukwata. A Bhibhiliya gi tlhela gi komba a lirandzo leli Jehovha, a Papayi wa hina wa le tilweni, a nga nalo hi hina. — Lis 86:15.

A mun’we ni mun’wani wa hina wa nyika lisima a Mhaka ya Nungungulu hi zvigelo zvo hambanahambana. Kanilezvi, xana ha komba lezvaku ha ci nyika lisima a cinyikiwo leco hi ku lera Bhibhiliya siku ni siku ni ku tirisa lezvi hi zvi gondzako wutomini ga hina? Ahati a mitiro ya hina, xana ya kombisa lezvi muyimbeleli wa tisimu a nga wula, aku: ‘E, ndzi wu randzisa kuyini a nayo wa wena!’? — Lis 119:97.

WONA A VHIDHYU VONA VA NYIKILE LISIMA A BHIBHILIYA — CIPANDZE CA VHIDHYU (WILLIAM TYNDALE), U GUMESA U HLAMULA A ZVIWUTISO LEZVI:

• 

  Hikuyini William Tyndale a nga hundzulusela a zvipandze zva Bhibhiliya?

• Hikuyini a kutikarata kakwe ka ku hundzulusela a Bhibhiliya ku nga ka lisima?

• A tikopiya ta Bhibhiliya ga Tyndale ti chikelisile kuyini le Inglaterra?

• A mun’we ni mun’wani a nga kombisisa kuyini lezvaku wa nyika lisima a Mhaka ya Nungungulu?