MAHANYELA YA WUKRISTU

Engetela wutlhari ga wena kuchumayeleni — Chumayela vanhu va zvikhumu

HIKUYINI ZVI NGA ZVA LISIMA? A vanhu votala va nga zvikhumu a va tizwi khwatsi loku va bhula ni munhu va nga mu tiviko. Hikwalaho zvi lava wutlhari kasi hi va chumayela. Jehovha wa kombisa kukhatala ka lirandzo hi vanhu va zvikhumu. (Le 19:14) Hi nga pimanyisa cikombiso cakwe hi ku vhuna vanhu va zvikhumu kasi hi va gondzisa xungetano hi Nungungulu.

U NGA ZVI MAHISA KUYINI?

“Lavetela” vanhu va zvikhumu. (Mat 10:11) Xana wa tiva wo kari a nga cikhumu ka maxaka ya wena? Xana lomu cipandzeni ca n’wina ku na ni zvikola, mimiti yo hlayisa zvikhumu kutani matshamu man’wani u nga kumako vanhu va zvikhumu u lavako ku va chumayela?
Kombisa kukhatala. A cinghana ni kukhatala ka wena ka lisine ku nga vhuna munhu wa cikhumu a kuva a tizwa na a tlhatlhekile. Zama ku sangula mabhulo hi ku tirisa a mhaka yi tsakelwako lomu cipandzeni
Vhuna vanhu va zvikhumu kasi va kuma mabhuku ma to va vhuna ku tiva Jehovha. Kasi ku vhuna vanhu va zvikhumu kutani lava va kalako va nga woni khwatsi, a hlengeletano yi humesa mabhuku hi tindlela to hambana. Wutisa mun’we ni mun’wani lezvi a tsakelako ku gondzisa zvona. A muwoneleli wa ntiro i fanele ku tiyiseka lezvaku ku na ni mabhuku yo enela kasi ku nyika vanhu va zvikhumu hi tindlela leti va ti tsakelako hi tona.