Ndlela yo tirisa zvingheniso

Kusukela hi Janeiro wa 2018, ka pajina go sangula ga Ntiro wa hina ni mahanyela ya wuKristu — Cibhukwana ca mutlhangano ku na ni zvingheniso. Hi nga zvi tirisisa kuyini?

Loku u tatisa ciavelo ca zvigondzani: U nga tirisa a ciwutiso, mutsalo ni ciwutiso co ta tlhavinyeta hi cona a bhulo ka khati gi landzelako ci nga ka zvingheniso. Hambulezvo, lezvo a zvi lavi ku wula ku u fanele ku landza hi ndzhati ni cidokhwe a magezu ma tirisilweko ka zvingheniso lezvo. U nga ha tirisa a zvingheniso zvo hambanahambana, ku tlhamusela hi tindlela to hambana, ni zvin’wani. U nga tlhela u mu nyika a bhuku gi nga ka feramenta ya ku gondzisa hi yona, hambu loku zvi nga wuyi laha ka zvileletelo zva cipandze ca wena.

Loku hi hi kuchumayeleni: A zvingheniso zvi mahelwe ku hi vhuna. Loku wo kari a kombisa kutsakela a tlhela a navela ku tiva zvo tala u nga simama ni mabhulo, kuzvilava hi ku tirisa a khati gi landzelako. U nga cica zvo kari ka cingheniso leco kutani ku tirisa mhaka yin’wani. Ku ngava lezvaku a zvingheniso zva hweti yi nga hundza kutani a mutsalo wa kona wu tsakelwe khwatsi lomu cipandzeni ca n’wina? Xana ku vile ni cimaho kutani mahungu yo kari lomu cipandzeni ca n’wina ma tsakelweko hi vanhu vo tala? Kova ni yihi ndlela leyi u to hlawula kasi u tirisa a zvingheniso, a kungo ga wena gi fanele kuva ku “Maha zvontlhe lezvo hi kota ya mahungu ya ma nene, kasi u ma kanela ka van’wani.” — 1Ko 9:22, 23.