U nga ma tirisisa kuyini a mabhulo xungetano hi Bhibhiliya?

A vamakabye va tira yi nga chayi kasi ku longisela a mabhulo xungetano hi Bhibhiliya niku a vahuweleli vo tala va ma wona na ma vhuna zvipandzeni zvabye. Hambulezvo, kota lezvi lomu tikweni ku nga ni zviyimo zvo hambanahambana, ntirweni wa kuchumayela a vahuweleli va tlhatlhekile ku tirisa tindlela to hambanahambana kutani ku bhula hi mhaka yo hambana yi to khumba a vanhu va lomu zvipandzeni zvabye. Kunene, hontlheni hi fanele ku landzela a zvileletelo zvontlhe zva tsima go hlawuleka. A kungo ga hina ku maha a ntiro lowu hi nga nyikiwa hi Jesu, wa ku chumayela a mahungu ya manene ya Mufumo. — Mat. 24:14.

Laha va mahako a zvipandze zva zvigondzani, a vahuweleli va fanele ku tirisa a mawonela ya mabhulo xungetano hi Bhibhiliya ma nga laha ka Cibhukwana ca Mutlhangano wa Ntiro wa hina ni mahanyela. Hambulezvo, ahandle ka cin’wani cileletelo, va tlhatlhekile ku hlawula ciwutiso, mutsalo kutani mhaka yo ta tlhavinyeta hi yona bhulo leyi yi nga vhunako nguvhu lomu cipandzeni. Lezvi zvi cica a cileletelo ci humesilweko ka cibhukwana ca mutlhangano ca Junho wa 2020 pajina 8.