TI TSITSIRITE NTIRWENI WA KUXUMAYELA
Engetela wutlhari ga wena wutirelini—Wumba xingheniso xa wena wutsumbu xo nyikela hi xona revista
HIKUYINI ZI NGA ZA LISIMA: Hambu lezi a zingheniso lezi zi tako laha ka xibhukwana xa mutlhangano zi nyikako mawonela ma vunako, zikombiso ntsena. U fanele ku tirisa magezu ya wena wutsumbu. U nga ha tsakela ku tirisa wulawulela go hambana kutani ku wulawula hi mhaka yinwani u wonako lezaku yi nga vuna xipanzeni xa nwina. Loku zi hi lezo, anzhako ka ku lera a revista, u hlola a zingheniso lezi zi nga kona, u tlhela kuzilava u wona a tividiyu ta mikombiso, u nga tirisa a mawonela lawa ma lanzelako kasi ku ti wumbela xingheniso xa wena wutsumbu.
MAMAHELA YA KONA:
Ti wutise lezi: ‘Nzi ta tirisa xinwe xa zingheniso lezi zi tako laha ka xibhukwana ke?’
INA
Longisela magezu yo nghena hi wona. Anzhako ka ku losa munhu hi kuya hi lezi mu losanisako zona, wula xiku dlunya a xigelo xa kuva u mu enzele. (Xingheniso: “Nzita laha kasi . . . ”)
Alakanyela lezi u to hunzisa zona hi ka xiwutiso uya ka mutsalo, u gumesa u mu nyika bhuku. (Xikombiso: Loku u lava ku gonza mutsalo, u ngaku: “A hlamulo wa xiwutiso lexi hi nga wu kuma laha.”)
AHIHI
Hlawula mhaka yo kari yi ku tsakisako lomu ka revista leyi u wonako lezaku yi ta tsakelwa lomu xipanzeni xa nwina
Longisela xiwutiso xo lava mawonela lexi xi to kuca nwinyi wa muti lezaku a ehleketa xi tlhela xi vanga mabhulo, kanilezi xi ngavi xiwutiso xi mu mahako a kayakaya. (Xikombiso: Ziwutiso zi tako ka phajina 2 ga revista.)
Hlawula mutsalo u to gonza. (Loku ku hi Despertai! u nyikelako, a hi xikurumeta, kota lezi a revista legi gi mahelweko lava va nga tiviko zotala hi Biblia hambu ku ngha va nga hi na mhaka ni wukhongeli.)
Longisela magezu ma tsongwani ma tlhamuselako lezi a nwinyi wa muti a to vunekisa zona hi ku gonza nzima leyo
KANI U HLAWULA MAHELA MUNI
Longisela xiwutiso u to siyela nwinyi wa muti kasi uya hlamula ka lienzo lo wuyela
Tsala magezwana ma to ku alakanyisa lezi u lavako ku ya wula ka khati gi lanzelako