Amukela khwatsi vapfhumba

Hi 23 ka Março, ku rinzelwa lezaku hi tava ni vapfhumba va xipimo xa 12.000.000 ni kuhunza Xialakanyisweni. A vapfhumba lavo va ta kuma wukustumunyu ga ntamu nguvu a xikhati lexi a mukaneli a to tlhamusela a xinyikiwo xa Jehova xa nzhiho ni makatekwa yo kari ma to kumiwa hi vanhu hi kota ya xinyikiwo lexo! (Isa 11:6-9; 35:5, 6; 65:21-23; Jo 3:16) Hambulezo, a hi mukaneli yece a to nyika wukustumunyu ka ximaho lexi xo hlawuleka. Hontlheni hi nga hlengela hi ku amukela vapfhumba va hina hi matsenya. (Ro 15:7) Hi lawa a mawonela yo kari.

• Kuhambana ni ku ya wutshanwini ga wena u ya rinzela mutlhangano a kuva wu sangula, hoyozela vapfhumba ni lava va holileko na u nwayitela u tlhela u va losa na u xalele

• A xikhati lexi u khatalelako nguvu lava u va tivako, va nga lava wena wutsumbu u nga va ramba, tlharihela vanwani kambe va tileko hi ku rambiwa. Ramba lava va ha hiko vaswa lezaku va ta tshama na wena. Tirisane zinwe a Biblia ga wena ni lisimu la wena

• Anzhako ka kanelo, tshama na u longile ku hlamula ziwutiso; u nga ti mahi wa kukhomeka. Loku ku hi lezaku mu fanele ku hatlisa mu suka kasi ku siyela wutshamu ginwani bandla, maha malulamiselo ya ku enzela munhu loye nzeni ka masiku ma tsongwani. Loku u nga hi na numero yakwe ya telefone kutani ku tiva laha a tshamako kona, u ngaku: “Nzi tsakela ku tiva lezi u nga wu wonisa zona mutlhangano. Nzi nga ku kumisa kuyini?”