Va amukele khwatsi

Hi amukela vamani? Vontlhe va tako mitlhanganweni ya hina ya wuKristu — kusukela ka lava va ha sangulako kuta ni lava va tako hi kale. (Ro 15:7; Mah 13:2) Ku nga hava makabye a tako hi ka tiko ginwani kutani mukristu a holileko a gonzako kuta mitlhanganweni ka lembe lego. Alakanyela lezi u nga wa ta ti zwisa zona loku u wa hi ka xiyimo lexo. U wa nga ta zi tsakela ku amukelwa khwatsi? (Mt 7:12) Makunu a hi chukwana ku na yi nga se sangula mitlhangano u fambafamba lomu Salawini ya Mufumo u losa vanwani u tlhela u maha lezo anzhako ka yona? Lezo zi vuvumisa liranzo lomu bandleni zi tlhela zi dumisa Jehova. (Mt 5:16) Kuzilava a zi nge koteki ku hi bhula ni vontlhe va nga kona. Hambulezo, vontlhe va ta tizwa khwatsi loku hontlheni hi maha a xipanze xa hina.a

A ku amukela vanwani hi liranzo a zi kombiswi ntsena ka zimaho za ku hlawuleka zo kota Xialakanyiso kanilezi xontlhe xikhati. Loku a vapfhumba va wona ni ku kombiswa liranzo la wuKristu, zi ta va kuca ku dumisa Nungungulu va tlhela va patsana na hina wukhozelini ga lisine. — Jo 13:35.