Tiya-hlanha laha a kugumesa ku tshinelako

HIKUYINI ZVI NGA ZVA LISIMA? Lokuloku ku ta maheka zvilo zvo hlamalisa zvaku cima a zvi se tshuka zvi maheka zvi to ringa kutiya-hlana ni kukholwa ka hina ka Jehovha. A kuxaniseka ka hombe ku ta sangula hi ku fuvisa a wukhozeli ga mawunwa. (Mat 24:21; Kuv 17:16, 17) Ndzeni ka cikhati leco co nonoha, hi tava na hi chumayela a mahungu ya kulamula. (Kuv 16:21) Hi ta vhukelwa hi Goge wa Magoge, ku nga mifumo leyi yi to patsana kasi yi vhukela a vakhozeli va Jehovha cikhatini ca kuxaniseka ka hombe. (Eze 38:10-12, 14-16) Kasi ku hlamula, Jehovha i ta tisa “yimpi ya siku ga hombe ga Nungungulu wa Ntamu Wontlhe.” (Kuv 16:14, 16) Kasi ku tiyisa kutiya-hlanha ka hina ka zvimaho zva ha tako, hi fanele ku simama hi tiyile ka zviringo lezvi zvi ringako a kukholwa ha hina zvezvi.

U NGA ZVI MAHISA KUYINI?

• Seketela ni ku hanya hi matshinya ya milayo ya Jehovha. — Isa 5:20

• Simama ku khozela ni maKristu kuloni. — Mah 10:24, 25

• Ingisa a zvileletelo lezvi Jehovha a hi nyikako hi ku tirisa a hlengeletano yakwe. — Mah 13:17

• Ehleketa hi ndlela leyi Jehovha a nga ponisa hi yona a vanhu vakwe cikhatini ci hundzileko. — 2Pe 2:9

• Khongela ka Jehovha u tlhela u tsumbeka kakwe. — Lis 112:7, 8

BISA VHIDHIO ZVIMAHO ZVA CIKHATINI CI TAKO ZVI TO LAVA KUTIYA-HLANA — CIPANDZE CA VHIDHIO, U TLHELA U HLAMULA A ZVIWUTISO LEZVI:

• 

  Zviringo muni zva ku ingisa lezvi a vahuweleli va nga tlhangana nazvo hi ku ciciwa bandla vaya ka gin’wani?

• 

  Hi kwihi a kuzwanana ku nga kona cikari ka kutiya-hlanha ni ku ingisa?

• 

  Hikuyini zvi lavako ku hi tiya-hlanha laha a Armagedhoni yi tshinelako?

• 

  A matimo ya Bhibhiliya ma hi vhuna ku tiyisa a kukholwa ka hina ka lezvaku Jehovha i ta hi ponisa hi ndlela muni? — 2Kr 20:1-24