Tsima go hlawuleka ga ku huwelela a Mufumo wa Nungungulu hi Novembro

Jesu i kanele “mahungu ya ma nene ya Mufumo wa Nungungulu.” (Luka 4:43) Yena i gondzisile vanhu kasi va khongelela a Mufumo lowo. (Mat 6:9, 10) Hi Novembro, hi ta maha a tsima go hlawuleka ga ku huwelela a Mufumo wa Nungungulu. (Mat 24:14) Xaxameta khwatsi a longoloko wa wena kasi u tava ni cikhati co enela kasi u patseka ka tsima legi. Vontlhe lava va tirako kota maphayona yo vhunetela va nga hlawula ku tira 30 kutani 50 wa tihora ka hweti leyo.

Loku zvi koteka bhulela vanhu vo tala lomu cipandzeni ca wena hi Mufumo wa Nungungulu. Laha u hlawulako mutsalo wo bhula hi wona, alakanyela hi lezvi a vanhu va kona va zvi kholwako xungetano hi wukhongeli. Loku a munhu wokari a kombisa kutsakela ka khati go sangula, mu nyike A Murindzeli wa N° 2 wa 2020. Loku u wona ku a munhu loye wa ha tsakela tekela ku sangula cigondzo ca Bhibhiliya hi ku tirisa ni gihi bhuku gi nga ka feramenta ya hina ya ku gondzisa hi yona. Na ku nga hi kali a Mufumo wa Nungungulu wu ta lovisa a mifumo yontlhe yi vhukelako a Mufumo wakwe. (Da 2:44; 1Ko 15:24, 25) Hi na ni lungelo ga hombe nguvhu ga ku kombisa kutsumbeka ka hina ka Jehovha ni ka Mufumo wakwe!