Chumayela mahungu ya ma nene yaku a misava ya yi nene yi laha kusuhani!

Ndzeni ka hweti ya Novembro, hi ta ti karatela ku chumayela mahungu ya ma nene yaku a misava ya yi nene yi laha kusuhani. (Lis. 37:10, 11; Kuv. 21:3-5) Ti longisele khwatsi kasi wenawu u tira ka tsima legi. Loku u teka wuphayona go vhunetela hi Novembro, u nga hlawula ku tira 30 kutani 50 wa tihora.

Longisela mutsalo wu wulawulako hi misava yiswa kasi u lerela vanhu vo tala hi laha zvi kotekako hi kona. Laha u hlawulako mutsalo lowo, zama ku alakanyela leci ci to tsakisa vanhu va lomu cipandzeni ca n’wina. Loku a wokari a kombisa kutsakela ka khati go sangula, mu nyike A Murindzeli N.° 2 wa 2021. Hatla u bhula naye kambe hi laha zvi kotekako hi kona u tlhela u zama ku sangula cigondzo ca Bhibhiliya hi broxura Ti buze hi wutomi kala kupindzuka! A hi kutsakisa ka zvona a ku tshama hi khomekile hi ku chumayela “mahungu yo saseka” ya zvilo zvo tsakisa ni zva zvi nene zvi tako! — Isa. 52:7.

SIXTIRA VHIDHIO YA MUZKA LOWU WAKU ALAKANYELA A MISAVA YISWA, U GUMESA U HLAMULA ZVIWUTISO LEZVI:

• Zvilo muni zvo tsakisa lezvi a cinhanyetana leci hi nga ci wona ci zvi alakanyelako?

• Zvini u zvi lavako nguvhu misaveni yiswa?

• A ku ehleketa hi makatekwa lawa ma tako zvi ta ku vhunisa kuyini a ku ti longisela kasi u tira nguvhu ka tsima ga Novembro? — Luka 6:45