TITSHOMBA TI NGA KA MHAKA YA NUNGUNGULU | LEVI 4-5
Mu nyike zva zvi nene Jehovha
Le Izrayeli, a wusiwana gi wa nga vhaleli munhu a ku kuma a lungelo ga ku maha a munyikelo wa kuwonha, kutani lungelo ga ku tshama na a basile mahlweni ka Jehovha. Hambu a muIzrayeli wa cisiwana i wa maha munyikelo wu nga amukeleka ka Jehovha, kota lezvi zva zvi nene a nga nazvo. Va wa nyikela hambu hi zva wukhume hi efa ya mapa yo basa, kanilezvi Jehovha i wa zvi amukela kota zva “zvi nene” a ku fana ni lava va nga nyikela hi tiyivhu. (Gen 18:6) Masikweni ya hina, Jehovha wa ha amukela a ‘minyikelo ya hina ya ku mu dhumisa’ na ku nga khataliseki a zvikarato lezvi zvi hi valelako ku maha lezvi hi zvi lavako. — Mah 13:15.
Lezvo zvi ku tiyisisa kuyini loku u nga zvi koti ku maha zvontlhe u zvi lavako hi kota ya kugumelwa ko kari?