U kwihi ka kona laha ndleleni ya kuya kubhabhatisweni?
MAHANYELA YA WUKRISTU
Hlawula ku tirela Jehovha
Kota muswa tlhelo muhuweleli a nga bhabhatiswangiko kutani cigondzani ca Bhibhiliya, u na ni mixuvo ya ku bhabhatiswa ke? Hikuyini zvi nga zva lisima a ku u bhabhatiswa? Loku munhu a ti nyikela ka Jehovha a tlhela a bhabhatiswa, i sangula kuva ni wunghana go hlawuleka naye. (Lis. 91:1) Zvi tlhela zvi vhulula ndlela ya ku a poniswa. (1 Ped. 3:21) Zvini u nga mahako kasi u ringanelwa hi ku bhabhatiswa?
Maha zvontlhe kasi u kholwa lezvaku u le lisineni. Loku u kanakana hi zvokari, kambisisa kasi u kuma mihlamulo ya zviwutiso zva wena. (Rom. 12:2) Loku u wona ku zvi kona u faneleko ku cica, cica futsi. Hambulezvo, cica hi ku lava ku tsakisa Jehovha. (Mav. 27:11; Efe. 4:23, 24) Contlhe cikhati khongela ka Jehovha kasi a ku vhuna. U nga kanakani, Jehovha i ta ku tiyisa a tlhela a ku vhuna hi moya wakwe wo basa. (1 Ped. 5:10, 11) Zvontlhe lezvi u to zvi maha, a wu ti karati mahala. A ku tirela Jehovha, hi yona ndlela ya ku hanya wutomi ga gi nene! — Lis. 16:11.
WONA A VHIDHIO NDLELA YA KUYA KUBHABHATISWENI, U GUMESA U HLAMULA A ZVIWUTISO LEZVI:
Zvikarato muni a vokari va nga zvi hlula kasi va bhabhatiswa?
Zvini u nga mahako kasi uva ni kukholwa ku to ku kuca ku bhabhatiswa?
Zvini zvi vhunileko vokari lezvaku vaba mazambo ma lavekako kasi va ringanelwa hi kubhabhatiswa?
Makatekwa muni va ma kumako lava va hlawulako ku tirela Jehovha?
A ku ti nyikela ka Jehovha ni ku bhabhatiswa zvi wula yini?