Ti Tsitsirite Ntirweni wa Kuchumayela

Loku hi maha marevhizita kutani loku hi fambisa zvigondzo, zvi lava ku hi vhuna lava hi bhulako navo lezvaku va zwisisa timhaka-tshinya. Loku hi tlhamusela timhaka-tshinya leto hi mifananiso hi nga khumba timbilu tabye zvi tlhela zvi va olovela ku ti alakanya.

A cikhati u ti longiselako ku ya maha revhizita go kari kutani ku fambisa cigondzo, tiva timhaka-tshinya leti u lavako ku tlhamusela hi mifananiso, u nga tlhamuseli timhaka laha ti yileko hi mifananiso. Gumesa u hlawula mufananiso wo olova wu yelanako ni zvilo zvi mahiwako wutomini ga siku ni siku. (Mat. 5:14-16; Mar. 2:21; Luka 14:7-11) Ranga hi ku ti wutisa ku: ‘Lezvi ndzi lavako ku wulawula hi zvona ka mufananiso wa mina, wa zvi tiva loyi ndzi lavako ku bhula naye ke?’ (Luka 5:2-11; Joh. 4:7-15) Laha u to mu wona na a xalala hi ku zwisisa a mhaka yo kari, u ta tsaka.

WONA A VHIDHIO KUMA LITSAKO HI KU MAHA VAPIZANI — ENGETELA WUTLHARI GA WENA — TLHAMUSELA TIMHAKA-TSHINYA HI MIFANANISO, U GUMESA U HLAMULA ZVIWUTISO LEZVI:

• 

  Hikuyini zvi nga lavako ku a cigondzani ci vhuniwa ku zwisisa vhesi go kari?

• 

  Mufananiso muni a nga wu tirisa Nina kasi ku tlhamusela lisine li nga ka Va Le Roma 5:12?

• 

  A mifananiso yi nga va vhunisa kuyini lava hi bhulako navo?

• Loku hi kari hi chumayela, hikuyini hi faneleko ku tirisa tivhidhio ni zvin’wani zvi humesiwako hi hlengeletano kasi ku gondzisa hi zvona?