Kombisa kuzwela-wusiwana

A kuzwela-wusiwana ku zvi kota ku zwisisa a kupima, kutizwa, lezvi zvi nga zva lisima, ni lezvi zvi lavekako ka van’wani. Loku hi zvi lava hi mbilu yontlhe a ku vhuna van’wani, zvi ta hi vhuna ku kombisa tshamela legi, niku zva olova nguvhu ku a van’wani va zvi wona ku ha va zwela wusiwana. Loku hi va zwela wusiwana lava hi va chumayelako, hi va vhuna ku va zvi wona ku Jehovha wa va randza niku wa khatala hi vona. Lezvo zvi va kuca ku va lava ku mu tiva. — Filp. 2:4.

A kuzwela-wusiwana a hi wutlhari go kari ga ku gondzisa. Hi kombisa zwela wusiwana ka lezvi hi ingiselisako zvona ni lezvi hi wulawulisako zvona, lezvi hi mahako, majesto ya hina, nghohe ya hina, ni ku khatalela munhu loye hi mbilu yontlhe. Hi chela kota hi lezvi zvi nga zva lisima ka yena, lezvi a zvi kholwako, ni zviyimo zvakwe. Hi va gondzisa zvilo zvi to va vhuna hi tlhela hi va vhuna loku zvi laveka; kanilezvi a hi va kurumeti ku cica. Loku makunu hi va wona na va vhumela ku hi va vhuna, a litsako la hina kuchumayeleni lo engetela.

SIXTIRA VHIDHIO KUMA LITSAKO HI KU MAHA VAPIZANI — ENGETELA WUTLHARI GA WENA— KOMBISA KUZWELA-WUSIWANA, U GUMESA U HLAMULA ZVIWUTISO LEZVI:

• 

  Nina i zvi kombisile kuyini ku wa mu zwela wusiwana Rosa a cikhati a nga chikela na a celwe?

• 

  Nina i zvi kombisile kuyini ku wa mu zwela wusiwana Rosa a cikhati a ngaku a nga ta zvi kota ku gondza hi ku i biwa hi stress?

• 

  Nina i zvi kombisile kuyini ku wa mu zwela wusiwana Rosa a cikhati a ngaku a nga zvi koti a ku nchumu ni nchumu a wu veka laha wu tshamako kona?