U nga tshuki u rivala Jehovha

Loku zvi karata ku kuma ntiro wa ku ti hanyisa, zvi nga hi karatela a ku simama hi rangisa Mufumo ni kululama ka Nungungulu wutomini ga hina. Hi nga ringwa ku vhumela ntiro wu nga wa ta hi vhalela ku tirela Jehovha kutani wu tshovako matshinya ya milayo ya Bhibhiliya. Hambulezvo, a mhaka yo tiya hi ku Jehovha a nga tsiki ku “tiyisa lava va nga vakwe hi timbilu tabye tontlhe”. (2 Kro. 16:9) A ci kona ci nga vhalelako a Papayi wa hina wa lirandzo a ku hi vhuna ni ku hi nyika lezvi zvi lavekako. (Rom. 8:32) Hikwalaho, loku hi lavetela ntiro wa ku ti hanyisa, hi fanele ku tsumba Jehovha hi tlhela hi veka kupima ntirweni wakwe. — Lis. 16:8.

SIXTIRA VHIDHIO TIRELA JEHOVHA HI MUHEFEMULO WA WENA WONTLHE, U GUMESA U HLAMULA ZVIWUTISO LEZVI:

• 

  Hikuyini Jasoni a nga ala ku xavelelwa?

• 

  Va Le Kolosi 3:23 hi nga mu tirisisa kuyini wutomini ga hina?

• 

  Tomás i vhunekisile kuyini hi cikombiso ci nene ca Jasoni?

• 

  Matewu 6:22 hi nga mu tirisisa kuyini wutomini ga hina?