Vhuna zvigondzani a ku tsika mahanyela yo biha

Jehovha i maha wunghana ni lava va nga ni mahanyela ya ma nene basi. (1 Ped. 1:14-16) Laha a zvigondzani zva Bhibhiliya zvi tsikako mahanyela yo biha, zvi nga vhuneka laha ngangweni, hi tlhelo ga timali zvi tlhela zvi potsa zvibabyababyani.

Hikwalaho, va tlhamusele milayo ya Jehovha yi dlunyateka, ni zvigelo zva ku yi ingisa, ni lezvi va to vhunekisa zvona. Veka kupima ka ku va vhuna ku cica mawonela yabye, hi kona va to zvi kota ku maha lezvi Jehovha a zvi lavako. (Efe. 4:22-24) Va tiyisekise lezvaku hi ku vhuniwa hi Jehovha, va nga zvi kota ku cica hanyela go kari gi zimileko mitsu. (Filp. 4:13) Va gondzise ku khongela ka Jehovha loku va ringiwa ku maha ciwonho. Va vhune ku wona zviyimo zvi nga va vangelako ciringo, lezvi va faneleko ku zvi potsa. Va vhune ku maha zvilo zvi to va vhuna, va potsa lezvi zvi to va vangela zvikarato. A hi kutsakisa ka zvona a ku wona cigondzani na ci zvi kota ku cica lezvi zvi lavekako hi ku vhuniwa hi Jehovha.

SIXTIRA VHIDHIO VHUNA ZVIGONDZANI ZVA WENA ZVA BHIBHILIYA A KU TSIKA MAHANYELA YO BIHA, U GUMESA U HLAMULA ZVIWUTISO LEZVI:

• 

  Nina ni madhota va kombisile kuyini a ku va wa tsumba ku Rosa i ta cica mahanyela yakwe?

• 

  Nina i simamisile kuyini a ku vhuna Rosa?

• 

  Rosa i kombele civhuno ka Jehovha hi ndlela muni?