Vhuna zvigondzani a ku ti mahela wunghana na Jehovha

Jehovha i lava ku hi mu tirela hi ku mu randza. (Mat. 22:37, 38) A ku randza Jehovha, hi zvona zvi to vhuna cigondzani a ku cica lezvi zvi lavekako wutomini ga cona ni ku tiya loku ci kumana ni zvikarato. (1 Joh. 5:3) Hi yona lirandzo lelo kambe li to mu kuca ku a bhabhatiswa.

Vhuna lava u gondzako navo a ku wona lezvaku Jehovha Nungungulu wa va randza. U nga maha lezvo hi ku va wutisa zvilo zvo kota lezvi: “Lezvi u gondzako zvi ku gondzisa yini hi Jehovha?” kutani ku “Lezvi u gondzako zvi kombisa kuyini ku Jehovha wa ku randza?” Va vhune ku wona lezvi Jehovha a va vhunisako zvona wutomini gabye. (2 Kro. 16:9) Va bhulele lezvi a nga hlamulisa zvona mikhongelo ya wena u tlhela u va kuca ku va zama ku wona lezvi a hlamulisako zvona mikhongelo yabye. A zvo ku tsakisa a ku wona loyi hi gondzako naye na a zvi zwisisa ku Jehovha wa mu randza, yenawu a komba lezvaku wa mu randza Jehovha niku i lava ku maha wunghana naye!

SIXTIRA VHIDHIO VHUNA ZVIGONDZANI ZVA WENA ZVA BHIBHILIYA A KU TI MAHELA WUNGHANA GO TIYA NA JEHOVHA, U GUMESA U HLAMULA ZVIWUTISO LEZVI:

• 

  Cikarato muni a nga kumana naco Rosa?

• 

  Nina i mu vhunisile kuyini Rosa?

• 

  Rosa i ci hlulisile kuyini a cikarato cakwe?