TI TSITSIRITE NTIRWENI WA KUCHUMAYELA | ENGETELA LITSAKO LA WENA NTIRWENI WA KUCHUMAYELA
Vhuna zvigondzani zvi tiva ku ti gisa hi tlhelo ga moya
Kasi a cigondzani ci mu tiva khwatsi Jehovha ci tlhela ci buvha kota muKristu ci fanele ku gondza zvo hundza lezvi hi ci gondzisako. (Mat. 5:3; Mah. 5:12–6:2) Ci fanele ku tiva ku ti gisa hi tlhelo ga moya — a ku gondza hi coce.
Na ma ha sangula ku gondza, mu gondzise ku longisela cigondzo ca yena, u tlhela u mu kuca ku ti longisela futsi. (mwb18.03 6) Mu kuce ku ranga hi ku khongela na a nga se sangula ku gondza. Mu gondzise ku kuma mahungu ya hina lomu ka michini. Mu tlhamusele lezvi a nga ma kumisako zvona a mahungu ya maswa lomu ka jw.org ni lomu ka JW Broadcasting®. Hi kutsongwani-kutsongwani, mu vhune ku a tolovela ku lera Bhibhiliya siku ni siku, a vhuxeta mitlhangano, ni ku kambisisa mihlamulo ya zviwutiso zva yena. Mu vhune ku a ehleketa hi lezvi a zvi gondzako.
SIXTIRA VHIDHIO VHUNA ZVIGONDZANI ZVA WENA ZVA BHIBHILIYA A KU TI GISA HI TLHELO GA MOYA, U GUMESA U HLAMULA ZVIWUTISO LEZVI:
Nina i mu vhunisile kuyini Rosa a ku tiva lezvaku a ku gondza a zvi wuli ku tiva mihlamulo basi?
Cini ci nga vhuna Rosa a ku a tiyiseka lezvaku Jehovha i maha khwatsi lezvi a hi betelako ku maha wubhayi?
Vhuna cigondzani a ku kuma mihlamulo ya zviwutiso zvakwe ni ku hanya hi lezvi a nga gondza
Zvini lezvi Rosa a nga guma a zvi zwisisa xungetano hi kuehleketa?