A zvikarato zvontlhe zvi ta mbhela, ga hata siku ga kona

Zva olova nguvhu ku a zvikarato zvi hi mbheta ntamu, nguvhunguvhu loku zvi hlwela ku hundza. Dhavhidha i wa zvi tiva ku ka siku go kari a zvikarato lezvi a nga vangelwa hi Sawule zvi ta hundza niku i wa ta fuma, kota lezvi Jehovha a nga tsumbisile. (1 Sam. 16:13) A kukholwa ku vhunile Dhavhidha lezvaku a kombisa lihlazva-mbilu a rindzela Jehovha.

Loku hi kumana ni zvikarato, hi nga tirisa wutivi ni wutlhari ga hina kasi ku zvi lulamisa. (1 Sam. 21:12-14; Mav. 1:4) Hambulezvo, a zvikarato zvo kari zvi nga ta hundza hambu loku hi mahile zvontlhe zvi nga ntan’wini wa hina hi kuya hi matshinya ya milayo ya Bhibhiliya. Ka zviyimo lezvo, zvi lava ku hi kombisa lihlazva-mbilu hi rindzela Jehovha. Zvezvanyana i ta mbheta zvikarato zvontlhe a tlhela a “kulula mihloti yontlhe” matihlweni ya hina. (Kuv. 21:4) Kani a cikarato ca hina ci hundza hi ku vhuniwa hi Jehovha kutani hi cigelo cin’wani, leci hi ci tivako ku: A zvikarato zvontlhe zvi ta mbhela, ga hata siku ga kona. A ku tshama hi ku alakanya lezvo zvi nga hi chavelela hi ndlela yo kari.

SIXTIRA VHIDHIO VANHU VO ZWANA KA TIKO GI NGA NI CIHLAWULELA, U GUMESA U HLAMULA ZVIWUTISO LEZVI:

• Zvikarato muni ma nga kumana nazvo a maKristu ya le Norte wa Estados Unidos?

• Ma kombisile kuyini lihlazva-mbilu ni lirandzo?

• Ma simamile ku “tiva lezvi zvi nga zva lisima nguvhu” hi ndlela muni? — Filp. 1:10