MAHANYELA YA WUKRISTU
Jehovha wa hi vhuna zvikaratweni zva hina
Masikwini lawa yo gumesa hi kumana ni zvikarato zvo tala zvo bindza. Ka zvikhati zvin’wani hi nga ti zwisa ku khwatsi a zvikarato zva hina zva hombe nguvhu laha ka ku a hi nge zvi koti ku zvi timisela. Hambulezvo, loku hi simama ku tshinela ka Jehovha i ta hi vhuna ku timisela hambu ni zvikarato lezvi zvi hi tshovako timbilu. (Isa. 43:2, 4) Hi nga tshinelisa kuyini ka Jehovha a cikhati leci hi kumanako ni zvikarato?
Mukhongelo. Loku hi chulula mbilu ya hina ka Jehovha, i ta hi nyika kurula ni ntamu wa ku timisela. — Filp. 4:6, 7; 1 Tes. 5:17.
Mitlhangano. Zvezvi hi zvi lava nguvhu a zvakuga zva moya ni ku tlhangana ni vamakabye mitlhanganweni ya bandla a kuhundza kale. (Mah. 10:24, 25) Loku hi longisela mitlhangano, hiya mitlhanganweni hi tlhela hi hlamula hi vhuneka nguvhu hi civhuno ca moya wa Jehovha. — Kuv. 2:29.
Ntiro wa kuchumayela. Zva hi olovela a ku veka kupima ka zvilo zva zvinene loku hi maha zvontlhe hi zvi kotako kasi hi simama hi hiseka ntirweni wa kuchumayela. A cin’wani kambe, hi tiyisa wunghana ga hina na Jehovha ni vamakabye lava hi tirako navo kuchumayeleni. — 1 Kor. 3:5-10.
SIXTIRA VHIDHIO JEHOVHA I TA KU AMUKELA, U GUMESA U HLAMULA ZVIWUTISO LEZVI:
Zvini zvi vhunileko Malu a ku tshinela ka Jehovha a cikhati leci a nga kumana ni zvikarato?
A ku fana na Malu, a magezu ma kumekako ka Lisimu 34:18 ma nga hi vhunisa kuyini a cikhati leci hi kumanako ni zvikarato?
A tshango ga Malu gi kombisa kuyini lezvaku Jehovha wa hi nyika “ntamu wa hombe wo hundza wa munhu” a cikhati leci hi kumanako ni zvikarato? — 2 Kor. 4:7