A wukati kubohana ka wutomi gontlhe

A wukati ga ginene ga maKristu gi dzundza Jehovha gi tlhela gi neha litsako ka nuna ni sati. (Mar. 10:9) Kasi kuva ni wukati go pindzuka ni go tsakisa, a maKristu ma fanele ku namarela khwatsi ka matshinya ya milayo ya Bhibhiliya a cikhati ma hlawulako a munhu wa ku chadha naye.

Namorara ni munhu ntsena loku u hundzile “ka tanga ya wun’wanana”, ku nga cikhati leci a kunavela ka masango ku nga ka hombe nguvhu, lezvi zvi nga mahako ku zvi ku karatela ku maha ciboho ca cinene. (1 Kor. 7:36) Ci tirise khwatsi a cikhati leci co kala u nga se chadha kasi ku tiyisa a wunghana ga wena na Nungungulu ni ku hlakulela matshamela ya wuKristu. Andzhako ka lezvo, u tava ka ciyimo ci nene kasi ku uva ni wukati go tsakisa.

Na u nga se vhumela ku chadha ni wokari, ti nyike cikhati co enela kasi ku tiva “a munhu loyi a fihlilweko wa mbilu”. (1 Ped. 3:4) Loku ku hi ni zvilo zva hombe zvi ku kanakanisako, tshama hasi ni loyi u lavako ku chadha naye mu bhula hi zvona. A ku khwatsi hi wunghana gin’wani laha gi yileko, wukatini u fanele ku veka nguvhu kupima ka lezvi u nga mahelako a nuna wa wena kutani sati wa wena wutshan’wini ga lezvi wena u nga mahelwako. (Filp. 2:3, 4) Loku u tirisa a matshinya ya milayo ya Bhibhiliya na u nga se chadha, u ta ti zimela ciseketelo ci nene kasi uva ni wukati go tsakisa.

SIXTIRA VHIDHIO TI LONGISELE KASI KU CHADHA — CIPANDZE 3: “HLAYELA NTSENGO”, U GUMESA U HLAMULA ZVIWUTISO LEZVI:

• A namoro ya makabye loyi wa cisati na Shane yi wa fambisa kuyini?

• Zvini a nga zvi pola laha a ngaya a mu tiva khwatsi?

• A vapswali vakwe va mu vhunisile kuyini niku ciboho muni ca wutlhari a ci mahileko?