Lwisana ni wusiwana na u hi ni kutsumba

A wutomi masikwini lawa yo gumesa gi tele hi zvikarato. Laha hi yako hi tshinela kugumeseni ka tiko legi, handle ko kanakana a zvikarato zvi ta tshinga nguvhu. Hi nga ha vhumala leci kutani leciyani. (Hab. 3:16-18) Cini ci to hi vhuna a ku lwisana ni wusiwana na hi hi ni kutsumba? Hi fanele ku simama ku tsumba Jehovha, a Nungungulu wa hina. I tsumbisile ku khatalela a malandza yakwe niku a nga hi hlayisa ni ka cihi ciyimo. — Lis. 37:18, 19; Mah. 13:5, 6.

Lezvi u nga mahako:

• Khongela ka Jehovha hi mbilu yontlhe u kombela wurangeli, wutlhari niku a ku seketela. — Lis. 62:8

• Ti yimisele ku maha ni wihi ntiro hambu loku u nga se tshuka u wu maha. — Despertai! 01/10 paj. 8-9, makwadru

• Simama ni programa yi nene ya moya: Ku lera a Mhaka ya Nungungulu siku ni siku, kuya mitlhanganweni ya bandla ni kuya ntirweni wa kuchumayela.

SIXTIRA VHIDHIO AKA MUTI WU TO PINDZUKA — ‘ENELISWANI HI LEZVI MU NGA NAZVO’, U GUMESA U HLAMULA ZVIWUTISO LEZVI:

• Zvikarato muni lezvi a mingango yo kari yi kumanako nazvo?

• Hi wihi a nchumu wa lisima nguvhu wutomini?

• Hi nga va vhunisa kuyini lava va nga wusiwaneni?