Lezvi u nga mahako kasi laha ngangweni kuva ni litsako

Jehovha i lava ku a mingango yi tsaka. (Lis. 127:3-5; Mutsh. 9:9; 11:9) Hambulezvo, hi nga tshuka hi nga tsaki hi kota ya zvikarato zva tiko legi kutani zvihoxo zva wokari kwalaha ngangweni wa hina. Zvini lezvi a mun’we ni mun’wani a nga mahako kasi laha ngangweni kuva ni litsako?

A nuna i fanele ku mu nyika wudzundzo a sati wakwe. (1 Ped. 3:7) A ti nyika cikhati ca ku tshama naye. A nga rindzeli zvo hundza lezvi a sati wakwe a zvi kotako ku maha niku i fanele ku kombisa kubonga hi lezvi a mu mahelako ni ku mahela ngango wontlhe. (Kol. 3:15) I kombisa ku wa mu randza niku wa mu tsumba. — Mav. 31:28, 31.

A sati i hlota tindlela ta ku seketela nuna wakwe. (Mav. 31:12) I ti koramisa a ingisa nuna wakwe a tlhela a tirisana naye. (Kol. 3:18) I wulawula naye hi ndlela ya yi nene a tlhela a wulawula zva zvi nene hi yena. — Mav. 31:26.

A vapswali va ti nyika cikhati ca ku tshama ni vana vabye. (Deut. 6:6, 7) Va tiyisekisa vana vabye lezvaku va va randza. (Mat. 3:17) Loku va va laya, va zvi maha hi ndlela ya yi nene ni ya lirandzo. — Efe. 6:4.

A vana va ingisa vapswali vabye va tlhela va nga va kanyisi. (Mav. 23:22) Va va vhululela timbilu tabye a vapswali — va va byela lezvi va zvi pimisako ni lezvi va ti zwisako zvona. Va vhumela ku kawukiwa hi vapswali vabye va tlhela va va kombisa cichavo. — Mav. 19:20.

SIXTIRA VHIDHIO TSAKA NGANGWENI WA WENA, U GUMESA U HLAMULA CIWUTISO LECI:

Ka vhidhio leyi hi nga yi wona, zvini lezvi a mun’we ni mun’wani a nga maha kasi laha ngangweni kuva ni litsako?